Zomi Owntune Lasak kidemna om ding
Written by Admin
Thursday, 08 March 2012 00:56
Pasian in
thupha hong pia in Kawlgam, Zogam le leitung gam tuamtuam ah Zomite
kizelin i omna pan Pasian min phatna le biaknate kihanciam semsem ahih
manin, lungdam huai mahmah thu ahi hi. Tua bek tham loin, i tuntunna
ciatah Zomi min pua in biakpiak kikhopna ding cihte zong neih masak ding
thukhat in i ngahsun a, Zomi Christian Fellowship (ZCF) le pawlpi min
tuamtuam i pankhia hamtang hi. Hihte khempeuh pen Pasian i itna taktak
kilang ahih manin, a lungdam huai thu ahi hi.
Tua bang
kawmkal pan adiakdiak Zomite i lom omna phualpi khat ahi Malaysia Zomite
in ahun hun/ akum kumin lasa siamte kidemna/ kisinsakna tawh Pasian
phatna le biakna pawi thupi tuamtuam nei zel uh a, etteh huai le thupi i
sa mahmah hi. Tua bek tham loin, Pasian in a geelnate uh a thukimpih le
asawt nawn lo tukha March 25,2012 ni ciangin ZOMI OWNTUNE cih min tawh
Lasak kidemna pawipi khat Canan ZCF biakinn ah (2:00PM) hunin nei ding
cih thu kiza hi. Tua lai-ah lasa ding teel tuam om loin, a ut/ uk
khempeuh kihelthei ding a, a kihel nuamte in tuni March 8,2012 ni akipan
March 20,2012 ni dong sazian kipiathei ding cih kiza hi.
A lunglutte in a nuai a makaite tungah kizom/ kizasak thei ding cih kiza hi.
1. Tg. Vai - Tel: 017 2430651
2. Khai Sian - Tel. 017 2245197
3. Deih Mang- Tel: 96 3760237
Zomite hanlungciam khangto diam!
Source: Tg. Thangpis FB
No comments:
Post a Comment