Myanma Airway apei kitam, alaihnang omlo cimawk
- Aki gelhni: Thursday, 08 March 2012 01:23
- Bangzahvei kisimkhin: 226
ZomiDaily :: Kawlgam
sungah leilu leitaw alengsuk alengto in ihzatpi ihmuanpi ahi Myanma
Airway pan vanleng khatpen Rakhine State khuapi Sittwe khua ah apei
kitam ahih manin alen hunding in lengtheilo cizawzen hi. Tua vanleng pen
(XY-AGB-Forkker-F28) 4401 hi a, March 04, 2012 ni-in Rakhine State,
Sittwe pan khualzinmi Passenger tengtawh zingsang 10am in aleng khiading
in aki thawithawi cihi.
Ahi zongin khualzin miteng vanleng
tungah akahtoh khitciang vanlengpei kitam cimawk ahih manin Passengers
teng tuaksakkik in, khualzinhun ziakaigawp cih HNW pan kiza hi. A
ziakaina ahang taktakpen adangvai tuamtuam hilozaw a, vanlengpei akitam
laihnading omlo cimawk hi. Atubang aomthei mahdingmaw?
Yangon pan vanlengpei aval vaikhak
photding himawk a, kamphatna tawh Yangon pan Kyaukphyu alengding
vanlengkhat na om bilbel hihtuak hi. Tua Yangon pan Kyaukphyu zuanding
penin Sittwe ah baangphot a, akisam vanlengpei leh Engineer mi 3
puaktophot hi. Engineer te'n Yangon pan apuaktoh uhtawh apei laihtheipan
uh a, tuakhit ciangin nitaklam 1pm hunpawl in Yangon lengkhiatheipan
cih kiza hi. Mawk peuhmah! ZomiDaily
No comments:
Post a Comment