mu van lai

Chin Students Union Kiphuankhia ta

Last Updated on Wednesday, 07 March 2012 20:31 Written by Admin Wednesday, 07 March 2012 19:41

Share6

Kawlpi guam sung a om Kalay University tuamtuam pan Zomi/Chin sangnaupangte in abeisa February 20,2012 ni Taungphila , Tahan a kibawl a (64) cinna Zomi Nam Ni- in Chin sangnaupangte in Kawlgam mai lam kalsuan zia ding muhkholhna le lunghimawhna tawh kipuahphatna dingin Chin Students Union of Universities-Kalay (CSU,Universities-Kalay) min tawh Taungphila Thupulakna ( Taungphila Press Statement) khat phuang khia uh cih kiza hi.

Tua Taungphila thupulakna tungtawn in Kawlpi khuapi huam sung a om University tuamtuam pan Chin Literature and Culture Sub-Committee makaite, Chin State sung sangnaupangte' nu le pate lam pan Vaipuak nei makaite tawh March 4,2012 ni-in, Kawlpi-Sanmyo Veeng Youth Center ah kimuhkhopna nei kik uh a, tua lai muh pan CSU, Universities-Kalay kipsakna nei uh cih kiza hi.

Hih CSU-Universities Kalay i deihna bulpite in;

(1) Politics party, Religious cihte sukha lo nasepna tawh Chin Literature and Culture Committee (CLCC) pen thapia/ tawsawn in sangnaupangte tawh kisai vaite le sangnaupangte i suahtakna ding cihte akipan Kalay Univerisity Students min pua kipawlna hi ding.

(2) Kawlgambup University, College a tuamtuam ah University sangnaupangte' ngah ding kilawm hamphatnate, suaktatak a pilna sintheihna ding, Democrecy vai Thudik / thuman omna ding, Liangko kikimna vai, Kilemna/ daihna le a dik aman Federal Union gampi apianna ding nasepnate ah mapang ding.

(3) Chin / Zomite nam vai ah Chin mipite' deihna le lungkimna tungtawn in nasem in kalsuan ding.

Hih a tung a thubulphuhpite tawh kizui in, March 4,2012 ni in akipulak khiatna Laipi number 1/ 2012 tawh suahkhia uh hi. Hih USC kipawlna in mai lam Kawlgam ah Democracy gampi khat akiphuhna ah Suahtakna/ zalenna, Thuman/ zuau omlohna,minam kideidanna cihte kipan thatang le a vui atang (Non-Violence) zang loin, itna bulphuh a sangnaupangte'nasepna khiat theihna ding ngimna bulpi tawh kiphuankhia cih kiza hi.

Chin Students Union pen kumpi pan theihpihna ( Register) zong bawl pah sawm bek tham loin, Kawlgam bup University tuamtuam zongah phuatkhiat kawikawi theihna ding le kipawlna phualpi (Center) nuai ah kizomtuah a, nasepkhop dingin thunei vaisai khatin gen hi. Tua banah hih CSU pen General Secretary makaihna nuai ah Chin Literature and Culture Sub-Committee te pan Palaite kihelin Executive Committee member a tawm pen mi 9 tawh kiphuankhia ahi hi.

Kalay University pen Kawlgam bup Chin/ Zomi sangnaupang khempeuh i sangkahna/ pil sinna University khat ahih manin, minam puahna le zuunna ding lampi tuamtuam pan mapang uh ahihna thu zong makai lamte in genkhia uh hi.

Source : Sianpu FB (Kalay) & KNT

Translated by: Tongsan tanute