Zomi National Day - 2012 Pahtawina laipi (I Love Myanmar)
- Aki gelhni: Saturday, 25 February 2012 12:45
- Bangzahvei kisimkhin: 157
PI LEVI SAP NEI THANG (I LOVE MYANMAR)
Kei kahih leh gamsung thu(Politics)tawh
kisai in bang mah katheihna a tam lo a, ahi zongin nidang ih pu ih pate
nuntak, khuasakzia mah bangin ei Zomi (Chin)te pen namdangte ngeina le
ukna nuai ah om loin, ei le ei suaktatak a om nuam minamte i hi hi.
Akhang khangin Kawl kumpi sem peuh mahin ei Zomi(Chin)te hong
bawlsiat,hong nenniam tawntung uh a, pau ngam lo kamkek ngam lo, thuak
keikai in aleldo ngeilo Pasian a um minamte i hi hi. A hi zongin nidang
Mikangte in Zogam (Chin Sate) hong ukcip hun laitak in, i pu le pate
luahsa leitang namdangte uk ding i phalloh manin, thuak zo nawn loin vui
le tang, zum le hiam tawh mapang in ado ngam minamte zong i hi hi. Hih
zah dongin i pupa Zogam 
a it a kem tinten minamte i hi hi.
a it a kem tinten minamte i hi hi.
Tuni ciang dong Kawl kumpite'n a mau gam
sungte le mun pawl khat zuun in adung leh vai kizopna lampite (Nylon
Kattazar) pha zihziah hi. Sagaing Divion , Kawlpi pan kipan in,
NylonKattazar) phah uh a, Zogam (Chin State) kipatna among ah khawlsak
sese uh hi. Zogam sung teng hong'nelsiah bawl uh a, atheihlo kineih lai
zen uh hi. Kawlgam buaina lianpi zawh kum 20 val sung Kawlgam apuah phat
hun sungin, Kawlgam States khempeuh leh Divisions khempeuh ah College
gen bek tham loin University sang mun tampi ah bawlsak uh a, ei Zogam
(Chin State) sung munkhat mahmah ah zong University gen loh College sang
kician khat nangawn a om nailo ahihnate i ngaihsut ciangin khasiat huai
mahmah cih i mitmuh ciat ahi hi.
Kawl galkap kumpi te in ei Zogam (Chin
State) hih zahciang dong a hong nenniam,hong simmawh,neumuhna leh hong
nelhsiahbawlnate le kumpikhat zatdan ahi lo, namkhenna (Tavuan kyilo) a
hong gamtat hangun, tuni dong mah ei Zomi (Chin)te in Kawl kumpi
(Central Government) te tung ah hehsuah /Thangpai tuan loin, kumpite
lungsim ih'theihna hang tawh amau tung pan lametna zong nei nawn se
loin, ei leh ei i hanciamna zahzah tawh i gam i leitang i min a puah
azuun minemte i hi hi. LST in hong uk kumpite thumang un! a cih bangin,
na khempeuh ah amau hihnate thukkik sawm loin, Kawlgam khantohna ding
tawh kipawl Kumpite panpihtheihna munte ah apanpih/ ahuh den minamte i
hi zaw lai hi.
Kawl mite'n agen theih tawntung leh
akithei mahmah thukhat ahi Zogam(Chin State)pen azawng pen leh
akhangtolo pen minam le gam ahi hi cih pen Kawlte kampau den khat ahi
hi. Kawlte in thatang ngaltang bek tham loin, a mukpau kampau mahmah uh
tawh zong hong simmawh mahmah minamte i hi lai hi. Kawl kumpi bek tham
loin, Zogam (Chin State) a uk ngei Kawl Ulian leh thunei ngei ei Zomite
dong ciangin, kumpite maitang etna /maipha zonna hangin Zogam (Chin
State) leh Zomi (Chin) mite hong thusimlo lai sawnsawn uh hi.
A hi zongin minam dangte le hong Uk
Kumpite in hong nemniam in, hong tuambawl, hong simmawh mah ta leh tuni
ciang dong hong pampaih, hong tuambawl, hong nusia ngeiloin atawntung
eite hong ompih den (Emmanuel) Pasian in lam hong lakin, i lametnate
hong khanglian sak a, ama hehpihna khuaval (Gopsel) hang bekbek tawh
leitungbuppi ah kizelin, khuavak atangkhiasak Minam (Zomi)te i hi ta hi.
Tuni in i biak Pasian hangin i kisathei a, a ma minsiangtho i pahtawi
khawm hi. Anungta Jehovah Pasian phat tawntung ta un cih pulak kawmin , A
(64) veina Zomi(Chin) Nam Ni-2012 hih laipi tawh ka pahtawi hi.
Translated by: Pa Kham Khan Suan (Tongsan Translator)
--------------------------------------------------------
Pi Levi Sap Nei Thang pen (I Love
Myanmar Foundation) min tawh Kawlgam Ansaalpi akici Irrawaddy
Delta'sungah abeisa May,2008,sung a lai aa mihing atulza asimte sihna
Nagis huihpi thuakna munte leh Zogam(Chin State),sung khuapi tuamtuam le
adiakdaik in Tedim gam sung zongah Phungtong, Dolkungte le Coffee kung
cihte akipan Zomite nuntak khuasakna khantohna ding deihsakna le
lainatna tawh huhna tampi apiakhia, mi hehpihtheih khat leh milungsim
hoih ngiat Zo Tunnu kician mahmah ahi hi.
Tua bek tham loin, leitung gam tuamtuam
ah khuahun siatna hangin zinling, kialpi, galpi tuak omte delh pahpah
in, ahuh tawntung hi. Kawlgam , Zogam bek hiloin UN le leitungbup in a
theih numei khat le nasepna thupi anei khat akiciamteh ahi hi. Tulaitak
Kansas City, Missouri State ,American gamah a pasal Daniel le a tapa
khat tawh tengin mite vanzat nam tuamtuam te asepna pan amet teng
tawh,Pasian nasepna/piahkhiatna lam abawl/aneiden ahi hi.
Source: Tongsan
Source: Tongsan
No comments:
Post a Comment