Sikha te'n USDP gumding
- Aki gelhni: Monday, 12 March 2012 10:51
- Bangzahvei kisimkhin: 20
April 01, 2012 ni a kibawl ding, Awnghu Mutpu 48 kiteelna ding ah, vote (mee) khia thei ding teng kaihkhawmna (voter list) , Kawlmang Election Commission in bawlkhin ta cih kiza hi.
Tua voter list ah Independent ngah kum, 1948 kum a kipan misi sa teng i minte, Kawlmangin guangkik uh ahihmanin, Kawl NLD makai Aung San Suu Kyi patau mahmah kici hi.
Banghang hiam cih leh, tua misisa te vote tawh USDP in NLD zawhsawm hidinga um mawh kici hi.
2010 Nargis kiteelna ah zong Kyutinmae ci in, Kawlmang in vote honpi khat bawltawm uh a, tua tawh USDP zosak ngei uh ahihi.
Tutung 2012 awnghu ta leuleu ah bel, misite vote tawh zawhsawm leuleu uh ahihmanin, vangam leh 
hell gam pan vote khia ding hon khat hong kuan ding hileh kilawm hi.
hell gam pan vote khia ding hon khat hong kuan ding hileh kilawm hi.
Myanmar Army/USDP in Vangam leh Hellgam zong khemzo ta hi leh kilawm phial mawk hi.
Mihingte bel hong nak khemzawh mahmah ding mah uh hi mawk hi, thudik khong gen kanghkangh nawn sedah ni ci in, khenkhat bang lungkia in bu khuankhuan ta uh hihtuak hi.
Zogam ah bel thu theician mellopi in, agal pan Zomi khenkhat na lawp ngeingai pong uh cih kiza hi. Tutung Union Level By-election a Mutpu 48 kiteelna ding vai pen, Zogam tawh kisaikha kilkel lo cih theih ding ahihi.
Kawlmang in Zomite hong napniit lo ahihmanin, 2010 kiteelna a zo sunsun CNP, CPP cihte panin, Union Minister angah, Zomi/Chin/Kuki/Naga/ i kici phail zongin Zosuan te khat zong ki omlo hi, Zogam ah mun awng omlo ta dih phot ahihi.
Kawlte zaw'nsak penpen leh simmawh penpen Chin leh Zomi deih Zosuan te'n, Kawlte mai pha ki munuam phadiakin, tua zong thu lamdang khat mah ahihi.
Bangteng hileh misisa te'n kiteelna ni ciang, kua party member te sungah luta, vote hong khia ding uh hiam? cih bel ngaklah huai lehbung hi.
Kiteelna ni ciangin Video Camera khong tawh pang leng, sikha lim kizaih kha thei dinga, Youtube bangah upload in, leitungbup bangah lak kik leng kiminthang thei ding ahihi.
Hih lai gelh laitak thu kizak behna ah, tua voter list pen ki encian kik manlo ding ci in, Election Commission in pulak hi.
Ngapik gim mah hong namkik phitphit pian ei guai!
Zo Khup
www.zokhup.com
www.zokhup.com
No comments:
Post a Comment