Kawlgam sung ki khelna ka muhzia pawlkhat
- Aki gelhni: Monday, 12 March 2012 10:54
- Bangzahvei kisimkhin: 8
A beisa kha thum sung ka vaciah pak theia, Kawlgam ka om tawp tuma kum thum laitawh ka etkak ciangin deih bangzo naita kei leh ki khelna tampi om hi ci in kamu hi.
1. Lampi, Inn leh Lo
Yangon khuapi sung lampite puahpi in ki puah hi. Inn lampi mah in ki lam a, inn leh lo man zong khanpi mah in khang pah hi.
2. Meizat ( electricity)
Tuma kum 3 lai in mei kisia pahpah hi. Nitak lupkuan ciangin hong pai a, zingsang ih thawh ma in mei namit khin zel thethup hi. Tu in ahihleh meizat, tuizatdan hong nuam zaw thamtham ta in kathei hi.
3. Media
Yangon , Pansodan lampi geiah lai tuamtuam ki zuakna khat om hi. Tua lai aa nasem nu kiang ah,, Na
laizuakna uh pan bang laite na khawng pen uh hiam?’’ ci in ka dot leh,, General Aung San leh a tanu Daw Aung San Suu Kyi te photos a tuanna laite mah khawng penpen ung’’ hong ci uh hi. Tua ban ah ansai (restaurant) sung, niangtuisai sung leh Mawtaw sung ah General Aung San leh atanu photo te a ki suanna mun tampi ah kimu thei hi. Saihka tung na ngawn ah General Aung San leh a tanu photo te sticker tawh ki belh zihziah in om a, nidang sangin suahtakna om zaw thamtham hi ci in ka mu hi.
laizuakna uh pan bang laite na khawng pen uh hiam?’’ ci in ka dot leh,, General Aung San leh a tanu Daw Aung San Suu Kyi te photos a tuanna laite mah khawng penpen ung’’ hong ci uh hi. Tua ban ah ansai (restaurant) sung, niangtuisai sung leh Mawtaw sung ah General Aung San leh atanu photo te a ki suanna mun tampi ah kimu thei hi. Saihka tung na ngawn ah General Aung San leh a tanu photo te sticker tawh ki belh zihziah in om a, nidang sangin suahtakna om zaw thamtham hi ci in ka mu hi.
4. Transportation
Nidang in meileng tawh khualzin nuam in, meileng letmat ngahna dingin zingsang nai 7 a zum ki hong kimlai, zingsang nai 3, nai 4 bangin meileng buta(station) ah ki tungin meileng zum ki hon ding ngak in ki om zihziah hi. Tu in a hih leh ei deih hunhun in meileng letmat ki lei theita a, ahi zongin nidang a tul 5 mante tu in tul 15 bang mansakta uh hi.
Nidang in meileng tawh khualzin nuam in, meileng letmat ngahna dingin zingsang nai 7 a zum ki hong kimlai, zingsang nai 3, nai 4 bangin meileng buta(station) ah ki tungin meileng zum ki hon ding ngak in ki om zihziah hi. Tu in a hih leh ei deih hunhun in meileng letmat ki lei theita a, ahi zongin nidang a tul 5 mante tu in tul 15 bang mansakta uh hi.
5. Zogam (Tedim leh Tonzang Bus te)
Nidangin Tedim leh Tonzang lam a pai Bus sung nasemte ki thuakzolo hi. Uino sikkhak tawh ki bangin khualzinmite a ut bangun hopih in kamkha theithei zang uh hi ki ci hi. Ken zong tua bang ka tuakkha ngei hi. Tu in a hih leh Tedim leh Tonzang lam a pai Bus sung nasem te ki zen in, polite mahmah uh a, thu khual thei mahmah ta uh hi ci in ka mu a, ih gamsung ah nuntak gimnam semsem ta hi ci in ka ngaihsun hi.
Nidangin Tedim leh Tonzang lam a pai Bus sung nasemte ki thuakzolo hi. Uino sikkhak tawh ki bangin khualzinmite a ut bangun hopih in kamkha theithei zang uh hi ki ci hi. Ken zong tua bang ka tuakkha ngei hi. Tu in a hih leh Tedim leh Tonzang lam a pai Bus sung nasem te ki zen in, polite mahmah uh a, thu khual thei mahmah ta uh hi ci in ka mu a, ih gamsung ah nuntak gimnam semsem ta hi ci in ka ngaihsun hi.
6. Ka Muhkhiat Thu Khat
Hamburg University, Germany te’n Kawlgam ah research bawldinga, hongciahsak uh a hihna tawh kidungzui in, Kawlgam sungah kazin kawikawi thei hi. Kamuh ngeinai loh leh ka theihkhaknai loh thu pawl khat kamuh beh hi. Tuate lakpan in lamdang kasak leh kadah mahmah thu khat hong om hi. Nidangin Kawlgam hongpai Christian Missionary te in Judson College (Tu in Yangon University) huangsungah singkung suan uh hi. Tua singkungte hong picingin kum tampi mah aom kimlai, kuamah sawllohin, vanpanin vasa in ektha-a, vasaek sung ah mawnggah kihel hi. Missionaryte suansa singkungpi tungah, tua mawnggah hongpo in hong khanglian semsem a, kum sauvei sim khitciangin, tua singkungpi hongsi in, hong muata, tu-in ahih leh mawngkungpi bek omta hi. Khasiat huai dahhuai mahmah hi. Mawngkungpi in Zomite a dingin khiatna aneih kholloh hangin, Christian ahilo minamdang te a dingin Mawngkung in khiatna nei mahmah, singkung khat ahi hi.
CSKhai
The University of Hamburg,
Hamburg, Germany
March 11, 2012
The University of Hamburg,
Hamburg, Germany
March 11, 2012
No comments:
Post a Comment