Moreh ah Kawlgam mi 2 kiman khat KIA ki-ummawh
Written by Admin
Thursday, 01 March 2012 18:56
Sagaing
Division Kawlgam le India gamgi Moreh khuapi, No.3 Ward, ateng Kachin
minam U Hpauna Lahtoi @Alizou (Kum 65) pen KIA galkap cih upmawhna tawh
abeisa February 27,2012 ni-in Pistol khat, 6.35mm thautang 5 tawh India
Assam Rifile No.(9) galkapte in man cih thu Nagaland Post tungtawn in
kiza hi. Thau tawh kiman cih pen that nuam uh hikha thei ding hi ci-in,
asuahtakna ding a hanciampih a lawmpa Moreh khuami Kuki mi U Sasat in
gen hi.
Tua bang a kimatna hang pen aheksim khat om hi ngel dingin ki-ummawh a, ahi zongin thau tawh kiman/ man lo cih thu a innkuanpihte in um lo uh hi. A taktak in aman India galkapte in azakhannop man a, thau tawh kiman cih tawh zuahgen hi lel dingin ki.ummawh hi. U Hpauna Lahtoi pen abeisa 1992 kum lai akipan India gam Arunachal Pradesh State ah a tenkhin ciangin, Moreh khuapi ah a lal hi ci in, a lawmpa U Sasat in gen hi.
2002 kum pawlin Arunachal Pradesh State pan Moreh lal in, Kuki minam numei khat tawh kiteng ci hi. Tua hun lai pek akipan in KIA ah Capt. ngah khin a, abeisa kum 2-3, hun akipan panmun kipiakik hi a, Kawlgam pan India ah Laisiang tho sangkah ding azin Kachin minam khempeuh Moreh a ma inn ah zintung hamtang ci in, Kuki minam a lawmpa U Sasat in gen hi. U Hpauna Lahtoi pen Imphal khuapi ah thongkia ahih hangin, Amahkhan tawh asuahtakna dingin Sitni cialin nasiatak kipanpih cih thu U Sasat in gen hi.
Tua banah India kumpi langpang gam nuai mi pawl tuamtuamte sung pan khat ahi PREPAK member hi ding ki ummawh khat zong thau mah tawh Moreh khuapi ah kiman sawnsawn ci hi. Tamu khuapi a teng Pa Zaw Thu @ Balai tung pan Thau neu AK-47 khat, 7.62 mm tang nga tawh No (9) Assam Rifile Team te in mankhia ci hi. Abeisa Feb.4,2012 ni-in zong Tamu khuapi Nanphalong bazar ah kikpna khat om ngei a, India Assam Rifile galkapte' Gate /Camp No.2 munah Manipura Meitei (Katee) minam pawl khatin kisitsak nuam loin, Kawlgam lamah phalna om lo pi-in, a lutna uh le India Assam Rifile te in kap uh hi.
India kumpi langpangte ahi PLA, ULFA, UPLF, PREPAK, KCP, KYKL, RPF le UNLF te akipan Thau tawi kipawlna pawl 8 val bang Kawlgam sung lamah busa in om cih thu India Newspaper sungah kilimgelh mahmah hi. Tua hi in India le Kawlgam gamgi Moreh le Tamu kikal ah buaina/ kikapna om thei tawntung cih kiza hi.
Tua bang a kimatna hang pen aheksim khat om hi ngel dingin ki-ummawh a, ahi zongin thau tawh kiman/ man lo cih thu a innkuanpihte in um lo uh hi. A taktak in aman India galkapte in azakhannop man a, thau tawh kiman cih tawh zuahgen hi lel dingin ki.ummawh hi. U Hpauna Lahtoi pen abeisa 1992 kum lai akipan India gam Arunachal Pradesh State ah a tenkhin ciangin, Moreh khuapi ah a lal hi ci in, a lawmpa U Sasat in gen hi.
2002 kum pawlin Arunachal Pradesh State pan Moreh lal in, Kuki minam numei khat tawh kiteng ci hi. Tua hun lai pek akipan in KIA ah Capt. ngah khin a, abeisa kum 2-3, hun akipan panmun kipiakik hi a, Kawlgam pan India ah Laisiang tho sangkah ding azin Kachin minam khempeuh Moreh a ma inn ah zintung hamtang ci in, Kuki minam a lawmpa U Sasat in gen hi. U Hpauna Lahtoi pen Imphal khuapi ah thongkia ahih hangin, Amahkhan tawh asuahtakna dingin Sitni cialin nasiatak kipanpih cih thu U Sasat in gen hi.
Tua banah India kumpi langpang gam nuai mi pawl tuamtuamte sung pan khat ahi PREPAK member hi ding ki ummawh khat zong thau mah tawh Moreh khuapi ah kiman sawnsawn ci hi. Tamu khuapi a teng Pa Zaw Thu @ Balai tung pan Thau neu AK-47 khat, 7.62 mm tang nga tawh No (9) Assam Rifile Team te in mankhia ci hi. Abeisa Feb.4,2012 ni-in zong Tamu khuapi Nanphalong bazar ah kikpna khat om ngei a, India Assam Rifile galkapte' Gate /Camp No.2 munah Manipura Meitei (Katee) minam pawl khatin kisitsak nuam loin, Kawlgam lamah phalna om lo pi-in, a lutna uh le India Assam Rifile te in kap uh hi.
India kumpi langpangte ahi PLA, ULFA, UPLF, PREPAK, KCP, KYKL, RPF le UNLF te akipan Thau tawi kipawlna pawl 8 val bang Kawlgam sung lamah busa in om cih thu India Newspaper sungah kilimgelh mahmah hi. Tua hi in India le Kawlgam gamgi Moreh le Tamu kikal ah buaina/ kikapna om thei tawntung cih kiza hi.
No comments:
Post a Comment