Written by Admin Sunday, 04 March 2012 23:26
Iran
gamah Khristian biakna pawlpi khatah Pasian nasem Baptist pastor khat
ahi Pastor Youcef Nadarkhani pen abeisa October 2009 kumin, "Musilim te'
kiangah amaan lo tetci pang in, Khristian a suahna ding uh zol hi" cih
thu tawh Iran kumpi thuneite in manin thukhen zumah tun uh hi. Nung
February 2012 kha bei' kiim pawlin, Pastor Nadarkhani pen Iranian
thukhenmangte in maisak zolo in,thah dingin thukhenna ( Execution order)
piak dingin Iran Media akipan leitung thukizakna ahi Newspaper, Media,
TV News tuamtuamte ah kisuahkhia zihziah hi. Tua bang a thah ding
thukhenna apiakna pen amau ut hunhun in piak theih dingin kikhensat cih
kiza hi.
Hih thu
tawh kisai-in Leitungbup Tuiphum Pawlpite Kipawlna (Baptist World
Alliance-BWA) zumpi pan Director pa Mr Raimundo Baretto in agenna ah, "
Leitungbup Tuiphum Pawlpi (BWA) in Pastor Nadarkhani 'thahna kipiakna(
death sentence) tawh kisai-in BWA in thumna/ buanna (a zukhaanwuan)
theihna dingin kilunghihmawhna tawh BWA min tawh a kizuihzuih laitak hi"
ci-in gen hi. Nung kum in zong, BWA in leitungbup ah hih bang mahin
tangkona le zaksakna nei khin uh hi.
Tua
banah Leitungbup a om, Tuiphum pawlpi khempeuh tungah a zaksak behna ah,
" Iranian Pastor Youcef Nadarkhani ading na thungetna uh ah phawk bek
tham loin, na om'na gam kumpite' kiangah ah zong na pulak ciat ta un "
ci in gen beh hi. BWA makaipipa in, " thungetna ah phawk tawntung un
la, a kithahlohna ding, lampi tuamtuam zangin, ih hihtheih zah tawpin
hanciam ding hi hang ci in khauhtak in leitungbup ah tangko khia hi.
Tua
ahih manin, Pastor pa' thu tawh kisai pen kumpi tuamtuamte, Human Rights
kipawlna tuamtuamte le Christian pawlpi tampi takin Iran kumpite le
Muslim biakna zuite kimawhsak mahmah ahih manin, a manlang a khahkhiatna
ding uh a ki hanciam/ kinget laitak ahi hi. Pastor pa pen kum 19 a phak
akipan Muslim pan Christian a suak ahihi. Iran gam North western lam
Rasht khuapi sungah Christian pawlpite' phualpi leh pawlpi mi 400 te'
pastor khat zong ahi hi. Tua manin Zomi Khristian khempeuh in zong i
phawk zawh hunhun in thungetna tawh mapang ciat ding Tongsan Media pan i
kihanthawn hi.
Source: Internet
Translated: Tongsan Translator
No comments:
Post a Comment