Tamu le Moreh kikal ah kikapna om
- Aki gelhni: Sunday, 12 February 2012 01:18
- Bangzahvei kisimkhin: 184
India le Kawlgam gamgi Tamu le
Nanphalong Bazar kiangah abeisa Feb, 4,2012 nitak lamin kikaptuahna om
cih kiza hi. A kipat zia pen India gam Assam Rifle galkapte Camp kim
tengah apai laitak un, gamgi Gate No. 2, kicihna ah Manipur lam pan apai
Meitei (Kate) mi 5 te kisit ( Check) nuam loin, Nanphalong bazar Kongpi
lamah taisuak uh ahih manin, India galkap Assam Rifle te in kap pah
ci-in Naphalong bazar ah Sai nei khatin gen hi.
Tua bangin a kapna uh ah Meitei (Kate)
minamte in Thau pua/ pua lo cih kithei lo ci hi. Asi aliam a om loh
hangin, khuazin khat pa i Mawtaw kha gawp ci hi. Tua kikapna hang a
kisia Mawtaw vai tawh kisai in, Kawlgam galkapte le India galkap makaite
kikupna neih sawm cih kiza hi. Assam Rifle galkapte in Mawtaw kisiatna
liau sum pia ding cih thuging om a, ahi zong kician nai lo ci hi.
India gam adiakdiak in Manipur State
sungah kumpi langpang gam nuai mi kici PLA, ULFA, UPLF, PREPARK, KCP,
KYKL le UNLF cihte akipan gamnuai mi pawl 8 bang Kawlgam sungah bu sa uh
ci-in India Newste ah kisuaksak hi. A beisa December 25, 2011 kum
Christmas ni-in zong Nanphalong Bazar Cing ( Security) Kawlgam galkap
khatin India lam Moreh khua bawlung tualpi ah kimawl khangno khat kaplum
kha ngei hi. Source: Tongsan/Mizzima
No comments:
Post a Comment