mu van lai

ZONET Awards 2011 ngahte lungdam pihna

Aki gelhni: Monday, 23 January 2012 00:24

Agelh: Thawn Tuang

Bangzahvei kisim: 35

Share

0 Comments

Kum a beisim in ki pawlna tuamtuamte khempeuh in hun beisa teng pulak kikna a neih uh mah bangin Zomi International Network (ZONET) pu te'n amau vaihawm siamna leh member tengtawh ki lungtuak tak in kum 2011 ZONET sungah:

• ZONET Person of the Year 2011
• ZONET Writer of the Year 2011
• ZONET Reporter of the Year 2011

cih bangin pahtawi huai mite mipite hong deihtel sak ZONET pute gelsiam kasa mahmah hi.

A masa in ZONET ah lai i suah khempeuh hunleh thatang pia in thuhoih ding deihna tawh ZONET puten a mau lemlawh ding peuhmah om lo na pi, a mipih Zomite a it luat man, a veiluat man bekbek uhtawh hong septoh uh pen PAHTAK HUAH MI taktak in ka mu hi. Hih bangin gam leh minam adingin a ki pia khiatte mi hampha mahmah khat in mu ing.

Pu Chin Sian Thang:

"ZONET Person of the Year 2011" nong ngah kong lungdam pih mahmah hi. Gam thu i gen nakleh amau min i helloh theihloh takpi mawk hi. A lim (photo) te ah i muh ciangin Zopuan mah silh tangtang in Minam vei tak mahin ka thei hi. Et tehtaak ettehcing ka sa takpi mah hi. Hih bangin ZONET Person of the Year 2011 a ngahpen ka deihbang gen siam ta kei mahleng kei mimal in ka lungdampih mahmah hi.

Dr.Hau Za Cin:

"ZONET Writer of the Year 2011" nong telcing kikkik pen kong lungdam pih mahmah hi. A diakdiak in Zomite ki pumkhatna dingleh makai hoih suahna ding, et teh pha suahna ding, mite tawh ki kholh theihna ding, na sep ngah ciang vaipuak dan ding, Zomite a neu a lian khangto lialia na ding cihbang thugil tampitak hong gelhto ziahziah a, mi hampha mahmah khat ban-ah a mipih te zong ih hampha mahmah hi. Kum 3 vilvel bang ZONET Writer of the Year hong ngah cihpen thuneu hilo hi. Tukum ciangciang amah bangin laigelh uk a tam hangin laigelh siam ki tam nailo ahi manin khangthak tampite adingin et tehtaak Dr.Cin i neih pen hampha ka ki sa mahmah hi.

ZomiDaily:

"ZONET Reporter of the Year 2011" nong telcing manin kong lungdampih mahmah hi. Nisim TV tawh leitung thupiang ih muh hangin a thu taktak ki tello a, nisim News English tawh tampi a om hangin ei kamtawh ka telhetlo khawmkal panin ZomiDaily in Zomite News bek hilo leitung thu theih huai nisim a it a mipihte tungah Zolai ngiat tawh hong suahdente nisim mah in ka simden hi. Tua bek zong hilo Thului leh Thuthak khempeuh a ki suaksak te Zomidaily.com ah koih pahpah hi. Kua mah dang hamphatna ding hilo a, Zomibup hamphat nang bekbek hizaw hi. Hun leh pilna a zangh bek hilo sum tampi beina hi a, thagui thatang tampi beina hi. Zomite adingin na lianpi asem taktak ZomiDaily hong hi tawntung ta in.

Zomite sungah a pahtaak huai mite phataakna piakding mah hi aa, a tha hatlo te domto in, a khang cinglo te khang liansak in, tawsawn theih ding mite tawsawn in, mite panpih theihna ding munte ah ki panpih in, ih vek pi in khangto khawm lialia dihni.

Lungdampihna lianpi tawh...,

Thawn Tuang
Zomi Angvaan
21 Jan.2.2012
http://zomi-angvaan.blogspot.com

Zogam leisung sumpiang omzah kithei khiata

Aki gelhni: Monday, 23 January 2012 00:16

Agelh: Hau Thang

Bangzahvei kisim: 34

Share

0 Comments

ZomiDaily :: Tulaitak a, hong uk kumpi pan leisung sumpiang lam vaipuak nei Minister lam te maikaihna leh vaihawm na tawh Geology & Mineralogy lam pilciim thei cilgil te in abeisa nungkum 2011 July 30 nipan 2011 Sep 15 nidong Zogam sung leisung sumpiangte omna mun leh sumpiang namte hongkan in hong en uh ci-in KNG ah thuphuang ahihi.

Tuabang in Leisung sumpiang te enin akan na uh ah Zogam,Tedim khuapi huam Gullu mual, Falam khuapi huam Parmuan Luipidungsuk leh Kapalet khuapihuam laikui mualpidung teng ah kha khat leh alang hun sung gamhawl vialvak uh hi. Hih munpi 3 avialvak na uh pan in Tedim gam gullu mual ah Nickel bulompi Tone Awn 44.89 om in tua sungah alaikimhawm in 1.48% kihel a, leisungsungpiang kilom vek pi Tone awn 36 om ahihi ci-in Leisungsumpiang lamnasem Sengampan hong pai King bao Mining Co.Ltd in gen khia hi.

Falam khuapihuam Parmuan luidung suk ah (Cr) 29.13%, Sik (Fe) 12.63% om in sumpiang bulompi Tone 1330 metrictone, alaikimhawm in (Fe) 33.39% om hi. ( Cr ) 12.22% om in metrictone 670 aom lam kitheita ahihi. Kanpelet khuapi huam Laikui mualpi dung suk ah,Sumsan/sumgo sik nam te (Cu) 0.98% Nickel (Ni) 0.26% leh (Cr) 0.13% 0m ci uh hi. Zogam ah leisung sumpiang abulompi in Tone 2800 om in, akimlaihawm in nickel 0.44% leh Dawl (3) ciang acing zo ding leisung sumpiang bulompi tone 13900 om hi cih hong mu khia uh hi.

Hih bang leisung sumpiang te,lak khiattheih nading in nasepna ah thamuan pen a, ihzatding khuapee meitha kicingtak in kisam masa pen a, tua khuapee meitha akicingtakin akingah theih khitciang, Sumbul kicing nei leh Pilciim thei cilgil Gamdang Companyte sam in sep taak ding hi cih thu 27 Sep 2011 ni Kyimon thukizakna laimai 6, kholna 1 ah hong lak khia zo ahihi.

Gam ahoihkhin ahaukhin sa hi in kiukna/ihpilna in hongdom sangthei nailo ahih man in Leitung ah Zomi te azawng pen din mun ah maizum huaitak in ki om ahihi. Ahizong mai lam ah ih thupha san nading lampi te in NGO, UN, World Vision, Unicef cih lam te hong hinawnlo ding a, Ih Zogam pan piang abeitheilo Leisung/ Leitung sumpiang huah theihna Pasian in akicing tak koih zo ahih na ki mu thei hi. Zomi te Ngun le Khamh ii tungah akiteng akipiang khia ih hih

Zomi Innkuan Singapore 2012-2013 panmunlen makai thakte

Aki gelhni: Monday, 23 January 2012 00:11

Agelh: Admin

Bangzahvei kisim: 5

Share

0 Comments

Dear Zomi UlehNau,
A masa in haksatna, gimna tawlna leh buaina tampi kawmkal lak panin kum khat tawngtung Zomi Innkuan hong kem, matutna hongpia ih biak Topa min ih phat ma sa hi. Nung nipi Dec 15,2012(Nipi ni) in ZIS in Kumcin Khawmpi leh 2012 panmun thak kitelna nuam tak-in kinei thei hi. “Kumkhat ih cihpen Hun naktawm hi ven, bang mah kisemman nai hiau lo” cin sepsa maban tampite phung hiau lo in Topa tung thupha tampi ah ngen behbeh lai zong ih om tham hi. Lungdam haui lua hi. Topa minthang semsem ta hen.

Khawmpi sung hunpi masa-ah, a beisa kum khat sung sep leh bawlte a tomin panmun tuamtuam maikai te’ tung pan khat khit khatin pulakna kinei thei hi. Hih bangin, hun khat sungah panmun tuamtuam pan, ma pan’na tuamtuam pan nasepnate ih zak ciang, “ aw….Topa hoih mah si cia maw, keu bang mah lel lo tak teng-in, hizah nasep lianpi sem zo ding dinmun aa nong koih” cin ih biak Pasian tung lungdamna lianpi ih ko phapha hi. Hunpi nihna ciang in ZIS-Biaknalam makai ah hi Rev Sia Nang Sawm Piang in 2012-2013 ZIS-Makai Panmun lenthak kitelna hun khempeuh apatna pan atawpdong hong makaih a, 2012 Zomi Innkuan bup hong makaih ding kitelna picingtak leh nuam tak ki zo a, Rev Sia Vungh Suan Kham thupha piakna tawh hunte khempeuh ki hial bawl hi.

Hih meeting hun sung-a thu khensat na om bang in, makai lui te in, teelcing makai thakte tung, panmun ap na, tuni nipini (22 Jan, 2012) or (29 Jan 2012) ni-in kinei ding hi. Kumcin Khawmpi leh Kitelna sung hong kihel UlehNau akua mapeuh tung ih biak Pasian in vantung thupha leh leitung thupha tawh ong kidim sak den ta hen. Amen.

ZIS Mimal Khatciat-in ih Thubulphu leh Thungetna te’,
1. “Topa aw.., na minamte tung aa nalah nop, napulaaknop, nasepnop na thuthuukte khempeuh ah ko hong zang in.”

2. “Topa aw.., Kha mangthang khempeuh nangkiang kong tunpih zawh nading tha ong guan in.”

3. “Topa aw…,Leitungbup aa kisam laisiangtho khensakzo ding in ong panpih in.”

4. “Topa aw.., Nang adding aa anuntaakna uh akipiasa te’ phuukgaak loh na ding, phuukdom dingin ko-ong zang in.”

5. “Topa aw…,bangmah sem zolo piteek, puteek, meigong tagah, gilkialte gil avahsakte ding in hong siam in.”

6. “Topa aw.., leitungbup leh Zomibup aa ding na lianpi asem-zo Makai hoih, nungzui siam, limhoih,limpha alaakzo-apua zo, ah-kalsuanzo,Agualzo den Minam in ong siam in.”

2012-2013 ZIS-EC teelcing makaipi te’ anuai aa bang in zahtakna leh muanna lianpi tawh kiteel hi.

2012-2013 ZIS-EC Teelcing Makaipi teng

Makaipi : Pa Hang Khan Lian
Makaipi huh : Pa Pau Lian Tuang,
: Pa Dal Do Langh
ThuvanPi : Tg Khup Lian Thang ( Khup)
Thuvanpi huh : Lia Cing San Kim (San Kim)
Sumkeem : Nu Cing Suan Lian (Suan Nu)
Sumkeem huh : Niang San Lian (Lian Khek)
Sum sazian-sit : Pa Langh Suan Mung
: Lia Cing Lian Don (Don Nu)

Biakna Makai : Sia Nang Sawm Piang
: Siama Noreen Hong
: Sia Vungh Suan Kham
: Sia Thang Suan Dong
: Siama Dim Hawm Lian
: Siama Vung Go Ciin

Mission Committee: Pa Pau Khan Khup
: Makaipi te leh Thuvanpi te
: Biakna lam Makai teng

Siamasa te panpihna : Lia Thang San Nuam
ZYA te panpihna : Lia Cing Khawl Kim

Lailam Committee : Tg Thang Lam Tuang (Tuang Pu)
: Dr Hau Za Cin
: Tg Kam Zam Sing (Singpi)
: Nu Cing Suan Lian (Suan Nu)

Choir -La Makai : Tg Lian Sawm Sing (Singpi)
: Tg Andrew Thang Gin Khual (Khual)
: Lia Dim Hawm Lian (Dia Lian)

Music Makai : Tg Kam Za Sing (Singpi)
: Tg Hau Khan Pau (Haupau)
: Tg Thang Khua Dal (Naudal)
: Tg Lian Lam Mang (Mangpi)

Media & Comm. : Pa Khup Khawm Mung
: Pa Kham Sian Mung
: Tg Sian Lian Sum (Sianpi)
: Lia Zen San Mang (San nu)

Multimedia : Pa Gin Kap Sian Thang ( Thang Bawi)
: Tg Sian Lian Sum (Sumpi)

Ngeina Makai : Pa Kam Khen Mang
: Pa Pau Khat Suan
: Lia Zam Sian Nem (Nem/NP)
: Lia Niang Sian Muang (Muang Nu)
: Siama Vung Don Niang

Nopna Dahna Makai : Tg Cin Za Lal (Cia Lal)
: Tg Sum Sian Khai (Khai Boh)
: Lia Cing Ngaih Kim (Nukim)
: Siama Zen Lam Mang

Tanu Makai : Tg Pau Lam Mang (Pau Pi)
: Tg Anthony Pau Muan Lian (Muanpi)
: Tg Thang En Cin ( Cinpi)
: Tg Suan Khan Lal ( Lalpu)
: Lia Niang Ngaih Hau (Haupi )
: Lia Niang San Cing ( Cing Cing)

Khangno Makai : Lia Khawm Suan Ciin (Naanu)
: Tg Go Lam Tuang (Tuangpi)
: Tg Andrew Thang Gin Khual (Khual)
: Tg Pau Khua Mung (MuMung)
: Lia Cing Ngaih Kim (Nukim)
: Lia Niang Khan Zo (Khannu)
: Lia Ciang Khawm Kim (Kimpi)

Kimawl Makai : Tg HLuai HmingThang (Thang Thang)
: Tg Anthony Pau Muan Lian (Muanpi)
: Tg Pau Mun Khai (Mu Mun)
: Lia Cing Sian Nem ( Nem/SGH)
: Lian Niang Sian Muang ( Muangnu)

Numei Makai : Nu Sian Len Sung
: Siama Hau En Vung
: Siama Ning Khan Nuam
: Siama Jenny Kimboi

2012 ZIS-EC Teelcing Makaipi akua mapeuh tung,
Big Big Congratulations!!!

Zahtakna Leh Lungdampihna lianpi tawh,

Dal Do Langh
Zomi Innkuan (Singapore)
2011-2012