mu van lai

Zomi Innkuan Singapore 2012-2013 panmunlen makai thakte

Aki gelhni: Monday, 23 January 2012 00:11

Agelh: Admin

Bangzahvei kisim: 5

Share

0 Comments

Dear Zomi UlehNau,
A masa in haksatna, gimna tawlna leh buaina tampi kawmkal lak panin kum khat tawngtung Zomi Innkuan hong kem, matutna hongpia ih biak Topa min ih phat ma sa hi. Nung nipi Dec 15,2012(Nipi ni) in ZIS in Kumcin Khawmpi leh 2012 panmun thak kitelna nuam tak-in kinei thei hi. “Kumkhat ih cihpen Hun naktawm hi ven, bang mah kisemman nai hiau lo” cin sepsa maban tampite phung hiau lo in Topa tung thupha tampi ah ngen behbeh lai zong ih om tham hi. Lungdam haui lua hi. Topa minthang semsem ta hen.

Khawmpi sung hunpi masa-ah, a beisa kum khat sung sep leh bawlte a tomin panmun tuamtuam maikai te’ tung pan khat khit khatin pulakna kinei thei hi. Hih bangin, hun khat sungah panmun tuamtuam pan, ma pan’na tuamtuam pan nasepnate ih zak ciang, “ aw….Topa hoih mah si cia maw, keu bang mah lel lo tak teng-in, hizah nasep lianpi sem zo ding dinmun aa nong koih” cin ih biak Pasian tung lungdamna lianpi ih ko phapha hi. Hunpi nihna ciang in ZIS-Biaknalam makai ah hi Rev Sia Nang Sawm Piang in 2012-2013 ZIS-Makai Panmun lenthak kitelna hun khempeuh apatna pan atawpdong hong makaih a, 2012 Zomi Innkuan bup hong makaih ding kitelna picingtak leh nuam tak ki zo a, Rev Sia Vungh Suan Kham thupha piakna tawh hunte khempeuh ki hial bawl hi.

Hih meeting hun sung-a thu khensat na om bang in, makai lui te in, teelcing makai thakte tung, panmun ap na, tuni nipini (22 Jan, 2012) or (29 Jan 2012) ni-in kinei ding hi. Kumcin Khawmpi leh Kitelna sung hong kihel UlehNau akua mapeuh tung ih biak Pasian in vantung thupha leh leitung thupha tawh ong kidim sak den ta hen. Amen.

ZIS Mimal Khatciat-in ih Thubulphu leh Thungetna te’,
1. “Topa aw.., na minamte tung aa nalah nop, napulaaknop, nasepnop na thuthuukte khempeuh ah ko hong zang in.”

2. “Topa aw.., Kha mangthang khempeuh nangkiang kong tunpih zawh nading tha ong guan in.”

3. “Topa aw…,Leitungbup aa kisam laisiangtho khensakzo ding in ong panpih in.”

4. “Topa aw.., Nang adding aa anuntaakna uh akipiasa te’ phuukgaak loh na ding, phuukdom dingin ko-ong zang in.”

5. “Topa aw…,bangmah sem zolo piteek, puteek, meigong tagah, gilkialte gil avahsakte ding in hong siam in.”

6. “Topa aw.., leitungbup leh Zomibup aa ding na lianpi asem-zo Makai hoih, nungzui siam, limhoih,limpha alaakzo-apua zo, ah-kalsuanzo,Agualzo den Minam in ong siam in.”

2012-2013 ZIS-EC teelcing makaipi te’ anuai aa bang in zahtakna leh muanna lianpi tawh kiteel hi.

2012-2013 ZIS-EC Teelcing Makaipi teng

Makaipi : Pa Hang Khan Lian
Makaipi huh : Pa Pau Lian Tuang,
: Pa Dal Do Langh
ThuvanPi : Tg Khup Lian Thang ( Khup)
Thuvanpi huh : Lia Cing San Kim (San Kim)
Sumkeem : Nu Cing Suan Lian (Suan Nu)
Sumkeem huh : Niang San Lian (Lian Khek)
Sum sazian-sit : Pa Langh Suan Mung
: Lia Cing Lian Don (Don Nu)

Biakna Makai : Sia Nang Sawm Piang
: Siama Noreen Hong
: Sia Vungh Suan Kham
: Sia Thang Suan Dong
: Siama Dim Hawm Lian
: Siama Vung Go Ciin

Mission Committee: Pa Pau Khan Khup
: Makaipi te leh Thuvanpi te
: Biakna lam Makai teng

Siamasa te panpihna : Lia Thang San Nuam
ZYA te panpihna : Lia Cing Khawl Kim

Lailam Committee : Tg Thang Lam Tuang (Tuang Pu)
: Dr Hau Za Cin
: Tg Kam Zam Sing (Singpi)
: Nu Cing Suan Lian (Suan Nu)

Choir -La Makai : Tg Lian Sawm Sing (Singpi)
: Tg Andrew Thang Gin Khual (Khual)
: Lia Dim Hawm Lian (Dia Lian)

Music Makai : Tg Kam Za Sing (Singpi)
: Tg Hau Khan Pau (Haupau)
: Tg Thang Khua Dal (Naudal)
: Tg Lian Lam Mang (Mangpi)

Media & Comm. : Pa Khup Khawm Mung
: Pa Kham Sian Mung
: Tg Sian Lian Sum (Sianpi)
: Lia Zen San Mang (San nu)

Multimedia : Pa Gin Kap Sian Thang ( Thang Bawi)
: Tg Sian Lian Sum (Sumpi)

Ngeina Makai : Pa Kam Khen Mang
: Pa Pau Khat Suan
: Lia Zam Sian Nem (Nem/NP)
: Lia Niang Sian Muang (Muang Nu)
: Siama Vung Don Niang

Nopna Dahna Makai : Tg Cin Za Lal (Cia Lal)
: Tg Sum Sian Khai (Khai Boh)
: Lia Cing Ngaih Kim (Nukim)
: Siama Zen Lam Mang

Tanu Makai : Tg Pau Lam Mang (Pau Pi)
: Tg Anthony Pau Muan Lian (Muanpi)
: Tg Thang En Cin ( Cinpi)
: Tg Suan Khan Lal ( Lalpu)
: Lia Niang Ngaih Hau (Haupi )
: Lia Niang San Cing ( Cing Cing)

Khangno Makai : Lia Khawm Suan Ciin (Naanu)
: Tg Go Lam Tuang (Tuangpi)
: Tg Andrew Thang Gin Khual (Khual)
: Tg Pau Khua Mung (MuMung)
: Lia Cing Ngaih Kim (Nukim)
: Lia Niang Khan Zo (Khannu)
: Lia Ciang Khawm Kim (Kimpi)

Kimawl Makai : Tg HLuai HmingThang (Thang Thang)
: Tg Anthony Pau Muan Lian (Muanpi)
: Tg Pau Mun Khai (Mu Mun)
: Lia Cing Sian Nem ( Nem/SGH)
: Lian Niang Sian Muang ( Muangnu)

Numei Makai : Nu Sian Len Sung
: Siama Hau En Vung
: Siama Ning Khan Nuam
: Siama Jenny Kimboi

2012 ZIS-EC Teelcing Makaipi akua mapeuh tung,
Big Big Congratulations!!!

Zahtakna Leh Lungdampihna lianpi tawh,

Dal Do Langh
Zomi Innkuan (Singapore)
2011-2012

Tonzang Youth Library pan Thuzaksakna

Aki gelhni: Monday, 23 January 2012 00:02

Agelh: Admin

Bangzahvei kisim: 10

Share

0 Comments

Hello! A khual a tual aom Tonzang tawh a kinahvawh ka it ka ngaih khempeuh, ih pianna vangkhua Tonzang panin na khutnem uh hong len masa ing. Tonzang Youth Library pen 2008 kum April kha sungin Sya Tuamung ii makaihna tawh a na kihong Self-Suppot Community Library ahi hi. Ngimna bulpi-ah, khangnote in lai simna tawh leitung thulela thei-in bek tham loin tua leitung tawh a kizom hih theih nading ahi hi. Kum 3 sung haksatna tuamtuam lakah hong mualsuahpih ih Pasian tungah lungdam ih ko-a, mailamah ih khua ih tui khantohna lamah a masuanpih zo nasepna a hih theih nading cih pen ih thungetna ahi hi.

Report & Review
Tonzang pen ni dang bang loin laisim lam hong kizongsang pianpian ta hi. Thangahhuai mahmah hi. 2011 kum sungin hih ih Laibusaal ah lai hong sim pen 200 kiim bang kipha tota hi. Mi 15 bangin laibu hong kikawm pen 150 bang val hi. Tua hi-a, kum 2-3 sungin ih khua-ah laisim hong kizongsang tham ding hi, cih lametna ka nei uh hi.

Ih Laibusaal ah mipite sim theih ding Journal nam 7 (The Voice, 7Day News, Health Digest, Internet, Alintan, Premier Eleven, & Shwetwe) kikoihsak dena, tua teng pen Kawlpi panin kalsim kila den hi. Magazine pen sumlepaai haksatna hang tawh Metta Taman bek kikoihsak zo hi. Laibu pen mal 700 bangbek kikoihzo lai hi. Tua ahih manin, magazine le laibu nam tuamtuam bang koihbeh zawh ding kilunggulh mahmah hi.

Library Fund pen nam 2 in ih nei hi. Khat pen Endowment Fund ih ci-a, tua pen Sumbul ahi hi. Tulaitak lianin sum Ks 300 000 ih nei hi. A khat pen, General Fund ih ci-a, zattawm ding sum ahi hi. Laibusaal pan sum zeekkhiatna-ah, Endowment Fund pan hi loin General Fund pan a kizeekkhia ahi hi. Endowment Fund pen 4% meet tawh mi kizangsaka, tua teng pen General Fund ah kilutsak hi. Tua summeet bek tawh kikalsuanzo nailo ahih manin 2011 sung bang VMBC syate le Library Commiittee memberte a kidong tawmtawm uh hi. Tua ahih manin, mailamah Endowment Fund pen behlap toto-in tua pan summeet bekbek tawh a kikalsuan zawh nading lunggulhna kinei hi. General Fund adingin a beisa kum bang mahin VMBC Pawlpi pan khasum sang peuhmah'kha khat tul khat' ta ka kidong uha, Committee memberte zong tua bang mahin ka kidong uh hi. Khuasung panin hong panpih zong om hi. Ahi zongin, kitangsapna bel om veve hi.

Ih Laibusaal pen VMBC Pawlpi ii khualung vai ahi hi. Lai sim nuam khempeuh man ngen loin kisimsak hi. Tua bang mahin laibu kawm nuam peuhmah a khongin kikawmsak hi. Numei naupang ci loin a utut suakta takin lai kisimsak, laibu kikawmsak hi. Tua hi-a, hih ih Laibusaal pen VMBC Pawlpi in nei-a, tavuan khempeuh a let tei hangin Pawlpi sung nasepna bek hi loin ih khua ih tui ih mipihte ading nasepna ahi hi. Mi khempeuh teektan theihna phual zong ahi hi.

2012 ading Lunggulh Masak
Internet Access: Leitung hun luanzia tawh kituakin ih Laibusaal-ah Internet Access ngah zawh ding lunggulhna ahi hi. Laisim ih mipite in information a hunlap zawa a ngah theih nading le leitung mun tuamtuam tawh kizopna a lem zawk nading lunggulhna ahi hi. Hih adingin Ks 650 000 bang kisam ding hi.

Step Up: Tonzang pen Step Up lo tawh mei kizang thei khollo mawk hi. Ks 450 000 bang kisam ding hi.

Fiber Tutphah: Ih Laibusaal pen khua laizangah om hi-a, a zuatna a nuam mahmah ahi hi. NGO pawlkhat le khuasung pan kipawlna pawlkhat in tintan tuamtuam piak nadingin zang thei zeela, tutphah kitasam denke hi. Tutphah 20 (minimum) teitei tu kum sungin kingah zo leh cih lunggulhna ahi hi. Mailamah ih Laibusaal pan mahmah zong workshop tuamtuam vaihawm ding kilunggulh hi. Hih ading Ks 200 000.

Book Sheet: Tulaitak lianin Book Sheet 1 bek kinei-a, laibu pawlkhat bel a kihici koih ahi hi. Ks 100 000 kiim bangin Book Sheet hoihpian khat kingah zo ding hi.

Endowment Fund: Tu kum sungin Ks 200 000 (minimum) ngah zawh ding lunggulhna om hi. Tua hi leh, Endowment Fund Ks 500 000 kinei dinga, tua ii meet pen kha khatah Ks 20 000 hi ding hi.

Notes
Tonzang Youth Library pen Tonzang khua na itna, na veina, le na deihsakna na lahkhiat theihna mun khat ahi hi. Ko kia tha tawh a kikalsuan theilo hi loin, nang tawh ma ih pankhopna in hong mazangsak ding hi. Tua ahih manin, a tunga lunggulh masakte ahi zongin nangmah mimal in na lunggulhna a om leh, ma pangkhawm ni. Ih khua ih tui, ih mipihte ading mah ahi hi.

Pasian kiang panin na lianpipi lamen ni. Tua bang mahin Pasian in ei tungtawnin na lianpipi hong sep theih nadingin ei mahmah a kizo sain om ni.

Library Committee
Advisors: Rev Tuan Khan Mung, Rev Go Van Mung, Rev Thang Suan Kim
Director: Pr Aung Aung @ Biak Lyan Sang
Chairman: Upa Thang Khen Cin
Vice Chairman: Upa Zam Suan Pau (siapautonzang@gmail.com)
Secretary: Lia Thang Suan Dim
Asst. Secretary: Upa Thang Thawn Kham (thawnkham@gmail.com)
Treasurer: Nu Man Luai Ciang
Accountant: Lia Vung Nuam Ciin
Lungdam!


Aung Aung @ Biak Lyan Sang
Director, Tonzang Youth Library

Lead Guitar tumsiam Steven leh ZomiDaily

Aki gelhni: Sunday, 22 January 2012 13:38

Agelh: ZomiDaily

Bangzahvei kisim: 417

ZomiDaily :: Ei Zomi sung Music lam a siam mi tampi aom lak ah tutung ZomiDaily ii “ZomiStar” Column ah suahsakding in Lead Guitar tuamsiam mahmah ahi Steven tawh kana kimuthei uhhi. Amah pen Steven cih malkhat bek in a ki thei khat hi a, aminpi taktak pen Steven Thang Do Pau ahihi. A pa khua lui pen Khuasak hi in, ahi zongin khua ah omngei lo uh a, Hakha Myo ah suak in Yangon ah akhangkhia khat na hi gige hi.

Steven pen ei Zomi bek hilo, Kawlgam Yangon ahzong Lead tum in a minthang mahmahkhat ahihi. “Tahtalinchate” leh “The Last day of Beethoven” cih Group nih ah Metal Music Lead Guitar tawh a min thang mahmah khatzong ahihi. Banghang in hih Band nihtak ah tum sese nahiam cih kadot uhleh “Tahtalinchate” pen Metal Music a hihhang Metal lam tawh ki sai athak thak ki tum mel lo, a lui teng bek ki tum den pian. “The Last day of Beethoven” ah pen New Waves Metal pan nakpi in tum thei zaw ka hih man hi” ci-in Steven in ong gencian hi.

“Tahtalinchate Band” tawh Stage Show tampi tak tumkhawm uh a, Album zong tampi bawl na pi in, a senpi loh na tuamtuam tawh khui pen suak khia lo cihzong Steven in onggen hi. Tuaban ah “The Last day of Beethoven” tawh zong Show tampi tak mah nei uh betthamloh, Album zong pawl khat a bawl ban ah When Faith is Lost 1-2 cih min tawh Album 2007 ong suak khia hi.

Ei Zomi sung Metal lam Lead Guitar cileng Steven bek om phial mai a, tu ciangciang Zomi Metal Lead a tum pen a mahbek hipah leh zong ki lawm hi.

Steven in Yangon ah Gospel Kawlla Album 2 atumsak tepen hih anuai ategel ahihi:
1. Yar Bart Su Taung Tan (2008)
2. Mone Tine Thae Ka Su Taung Tan (2009)

Hih Album nihte pen Metal Music hilo in Praise and Worship khui hizaw cihzong Steven in ong hilhcian hi.

Steven pen tua Group nihte nusia in ei Zomi tetawh Album bawl, Stage Show bawl in tulaitak buai mahmah hi. Ama tumsak Album zong ei Zomi Album banah ih sanggam Matu, Falam, Hakha te Album zong honkhat tumsak khin hi. Asawtlo in ama tumsak Zomi Album tampizong ongsuak laiding hi.

Tuateng bekthamlo Steven in Home Studio nokhat neimawk ahih manin, ei Zomi Music lam a uk tampitak in ki noptuampih mahmah hi. Steven ngiat inzong Khui Mastering lungduaitak in bawlsak theizel hi.

Steven leh ZomiDaily holim kamkupna pawlkhat mipi simtheihding in hih anuai ah kong suaksak uhhi. 

ZD: Kum bang zah naphak akipan Guitar tum nahia?
St: Ka Tan 5 lai akipan a tum hi’ng.

ZD: Lead Guitar pen bang zah kum a ki pan tum na hia?
St: Tan 9 ka tunciang Lead Guitar tumta ing.

ZD: Tua leh Guitar lam ong hilh masa penpen, nasia masa penpen kua a hia?
St: Ama sa penpen ci leng kapa’n ong sinsak banah, Music lam pilnalian pen YawRam (GMI).

ZD: Tua leh Metal Music lam pen bang zah kum a kipan lunglut nahia?
St: Guitar ka tum theih mapek akipan tum nuam ngiat kaihciang a, Guitar a sinngiat hi’ng… J

ZD: Tua leh nang Band 2 neimawk cileng TTLC Band tawh naki kholhciang haksa nasak mahmah khat…?
St: Bangmah Advice kipia theilo, tuaciang khat veivei kei ii muhnakhat lakding cileng ki laktheilo. Tuadan te haksa sapian ing…. L

ZD: Tua ahih leh LDOB tawh ee leh nuam na sak mahmah thu khat…?
St: Hih Band LDOB tawh pen innkuan khat, sanggam khat bang a ko ii deihna ki kum thei. Paisuk paitohna ahzong bangmah haksatna lua cih om lo hi. Tua nopsa ing… J

ZD: Tua leh Music lam Kawlte tawh lah ki khawl, Zomi tetawhzong ki khawl cileng Kawlte leh Zomi te ki lamdanna khat nong gen thei dia?
St: Kawlte pen Music Knowledge lam ah na manlang zaw mahmah, abeng uh na vak masa, na manlang lua uh. Ei Zomi te’n ki banzo phalo. Aihhang ei Zomi te tawh tumkhawmding cileng ei Zomi te zong a hanciam hi zen leng nak siam lua mahmah ni.

ZD: Kawl mi leh Zomi sunglak pan ki lawm tatna lam ah e?
St: Tua lian pen lamdang ka sak mahmah thu khat, Kawl te pen a nungta Pasian thu um lo hi napi, azawng ahau cih khenna omlo. Ki liangko kimtak in ong ho pih hi. (kei bang ka lawmteng lakah azawngpen, bangmah neilo pen ka hih hangL ) Ei Zomi te cileng pen a nungta Pasian um i hihhang ki deidanna tam salua ing. Picinding kisam salua ing.

ZD: Guitar tum in Stage Show khawng natum laitak haksatna nathuak ngei khat?
St: Stage tung pan ei bang Guitar tum ziahziah in ah ka Guitar aw pen ka zakkik lohciang haksalua, kaheh suak, kapnuam... lolz

ZD: Tua a hih leh ong pai lai ding hun ah bang Plan nei nahia?
St: Gospel Album, Gospel Music lam nak pi tak in hanciam nuam ing. Eimi sung ah Album bawl nuam ten huh na ong nget khakleh ahuhding in a ki ging sa in om ing.

ZD: Tua leh na deih pen pen Lead Guitar Brand?
St: Schecter leh ESP….

ZD: Tua leh hih leitungbup Music Band nadeih penpen?
St: A luisung ah hi leh UNEARTH leh Lamb Of God hi. A thak sungpan hi leh Suicide Silence, As Blood Runs Black, etc… J

ZD: Leitung ah na it penpen nakhat ong ki dong leh, mi, van, etc...?
St: Ka Pa… J

ZD: Tu ciangciang na mangngilh ngeiloh khat e?
St: Tua bang lian om kei lel ae... lolz

ZD: Na Crazy mahmah na khat?
St: Ka Crazy mahmah pen hidan lian cih dan om kei. Ahihhang MTV khawng enleng ka deih mahmah lasa Band te ii Fashion dan a ki thawi nuam thei ing. Tualeh Mawtaw

ZD: Na lungsim ong nuam sak thei nakhat?
St: Lawm te tawh zong ki mu leng Ciamnuih khawng bawlleng ka lung nuam thei lua (nuih kawm)J

ZD: Nang ii muhna ah numei Pi cing na sak nam 3?
St: No.1 Ann & meh bawl siam ding No.2 Koikoi a hizong om dan siam ding No.3 A ciim numei. Tua teng hi.

ZD: Tua leh Steven, hihbang in ZomiDaily tawh holimtheih nading hun nongpiak manin lungdam mahmah ungei. Ei Zomi Music tawh kisai siamna anei khempeuh tungah na gennop khat?
St: Ih mit keuhsak tekni la, khatlekhat kikal ah ki zahtak, ki Respect ding kisam sa mahmah ing. Lungdam mahmah ing.