Last Updated on Monday, 05 March 2012 19:08
Written by Admin
Monday, 05 March 2012 18:59
Committee
Representing the People's Parliament(CRPP) kici sungah akipawl
Political party khat ahi Zomi National Congress (ZNC) in min tawh leh
Political Party mai 2015 kiteelpi ah suaikaih theihna ding ngimna tawh
kumpi theihpihna Matpongten (Registration) bawl ding in kithawi kik ta
cih thu kiza hi. ZNC party 1990 kum kawlgambup kitelpi (General
Election) tungtang ah Zomi min pua in Political Party hi-in, Tedim le
Tonzang ah gualzawhna ngah uh hi.
2008 kum
(Nargis) hun a Kawl galkap kumpite bawl Thu meilet (Constitution)
tungtawn a kibawl 2010 Kawlgam kitelna (Election) pen thukimpih lo
leh,zuaupi kiteelna hi ci-in, a nuaksan ( Boy Cott) ngam Zomi Party khat
ahi hi. ZNC Political Party khat a Register bawlkik na ding tawh kisai
in, Zomi National Congress (ZNC-President) leh Committee Representing
the People's Parliament(CRPP) ah member ahi Pu Chin Sian Thang in agenna
ah, " Matpongtin (Registration) bawl na ding vai tawh kisai-in, zuih
ding thukhun (by law) pawl khat akikhel leh lailut kitelna (Bi-Election)
ah alut ding teng i min sazian (List) te kipia theihta ahih manin ZNC
in zong kapia ding uh hi ci'n genkhia hi.
Tua banah
hih lailut kitelna (Bi-Election) tawh kisai in,ko ZNC Party te'n March
3,,2012 Saturday ni in, Matpongtin (Register) bawl ding/bawllo ding vai
kikup khopna(Meeting)khat ka neihna pan un, lut ding le Register bawl
dingin khensatna kinei hi ci-in Pu Chin Sian Thang ( President-ZNC) in
genkhia hi. Tua bek tham loin, Politics ih cih pen thumantak
(Officially) a ih bawl khit ciang leh ciaptehna i ngah khit ciang bekin
sem pan leeng ahoih hi napi'n, kisuangtaak kawm leh asimtham a
gamtatna, lauthawng pipi a sepnate pen (Politics) kici thei ngeingei lo
ding hi ci in genbeh lai hi.
Tua
hi-in, gam leh Minam ading sepnate ah mipite muhna/zaakna leh kiphualsel
thapai cihte kizangthei lo a, a langtaak le suaktatak a i sep ngam ding
kisam ahi hi ci in gen hi. Tua mah bangin ZNC Party in zong avui atang
tawh gualzawhna cihte ka deih peuh mah kei uh a, tu le mai lamah zong
tua bang danin kasem peuh mah kei ding uh hi ci in, hangsan tak pulak
cih thukiza hi.
Pu Chin
Sian Thang in agenbehna zomah Ko,ZNC Party in ahih le Mipi tha mah muang
in Mipite tawh gamtang in, Mipi deihnate thupisak leh thusim in, mipi
thukimna bangbang in thuman (Officially) a Matpongten(Registration)abawl
ding ka hih uh hici in, hih Lailut kiteelna (Bi-Election) luttheih na
ding a,(Register)bawlna tawh kisai thute genkhia hi.
A sawt
nai lo nung sungin Shan National League for Democracy te'n hih Lailut
kiteelna (Bi-Election)ah lut dingin Register abawl khit ciangin, ZNC in
zong Register kibawl pah hi a, mai April 1,2012 ni ciangin, Lailut
kiteelna ( Bi-Election) ah kihel dingin akithawi sawmna te pulak khia
hi.
Source: Burma Today
Translated: Tongsan tanute
No comments:
Post a Comment