Tualkhiang khuami Naupang 3 mangte kimu zo nai lo
Written by Admin
Tuesday, 06 March 2012 18:25
Zogam,
Cikha gamhuam /bial sung a om, Tualkhiang khua ah tukha March 2, 2012
ni sun hunin, naupang kum (6) gual ding mi (3) te, gamlak apaina pan inn
tungkik nawn loin, Tualkhiang khuazang bupin March 3-4 sung azon uh
hangin tuni ciang dong kimu zo nai lo cih thu Tualkhiang khuamite' tung
pan kiza sawn hi.
A kimuh zawhloh ciangin a khuaveng Haicin khua pan hausapa le pasal picing mi 30 valte in Tualkhiang khua mite tawh kithuah in, nitak thum bang zong khawm uh a, amuh zawh loh uh ciangin Haicin khuami 30 valte Tualkhiang pan Haicin lam zuan dingin vanpua Motor -407 kici Dyna namte khat zui uh hi. Tualkhiang khua pan a gamla lo Km.2, mun atun uh ciangin Motor kihek (Control) thei nawn loin lam khangah pialin 6 vei ding khawng kilumlet suk ci hi. Tua bang a tuahsiatna hangin Motor maibuk a tuang Haicin hausapa le Motor hawlpa kihel vekpi mi 5 te in liamna tuak uh ci hi.
A dangte ahih le Motor sung lam a tuang a tamzawte pen Pasian huhna tawh motor kibutcil pekin, lawnkhia kha ahih manin aliam abai om lo uh hi. A liam teng pen a zanzan in Lamka Zatopi ah kipuaksuak pah ci hi. A liamte' sung pan Haicin hausa Pa Thang Khan Mang pen adek tatkeh in kikhuisak in, a bil sung pan sisan luangluang a tuni dong phatuam nai lo ci hi. A dang aliam mi 5 te zong kikekna vive mah om ahih manin kikhuisak ciat ci hi. Thu kinungzak kikna ah tuni March 6,2012 ni-in mi 3 mah zato kipuak leuleu in, a vekpi un mi 9 Lamka Zatopi ah om cih kiza hi.
Naupang mangte tawh kisai-in, tuciang dong kimuhna le zakna om nai lo ahih manin lamdang kisa mahmah hi. Khuakim khuaveng pan kizonpih ciatin kimuzo tuan nai lo hi. Tualkhiang khuamite genna ah, " abeisa March 2,2012 ni sunin, India lam pan nektheih apua motor khat khua sungah lutin, motor hawlte a vak kalun tua naupangte in nektheihte laksim sakin gamlak ah va sel uh ci hi.
A kimuh zawhloh ciangin a khuaveng Haicin khua pan hausapa le pasal picing mi 30 valte in Tualkhiang khua mite tawh kithuah in, nitak thum bang zong khawm uh a, amuh zawh loh uh ciangin Haicin khuami 30 valte Tualkhiang pan Haicin lam zuan dingin vanpua Motor -407 kici Dyna namte khat zui uh hi. Tualkhiang khua pan a gamla lo Km.2, mun atun uh ciangin Motor kihek (Control) thei nawn loin lam khangah pialin 6 vei ding khawng kilumlet suk ci hi. Tua bang a tuahsiatna hangin Motor maibuk a tuang Haicin hausapa le Motor hawlpa kihel vekpi mi 5 te in liamna tuak uh ci hi.
A dangte ahih le Motor sung lam a tuang a tamzawte pen Pasian huhna tawh motor kibutcil pekin, lawnkhia kha ahih manin aliam abai om lo uh hi. A liam teng pen a zanzan in Lamka Zatopi ah kipuaksuak pah ci hi. A liamte' sung pan Haicin hausa Pa Thang Khan Mang pen adek tatkeh in kikhuisak in, a bil sung pan sisan luangluang a tuni dong phatuam nai lo ci hi. A dang aliam mi 5 te zong kikekna vive mah om ahih manin kikhuisak ciat ci hi. Thu kinungzak kikna ah tuni March 6,2012 ni-in mi 3 mah zato kipuak leuleu in, a vekpi un mi 9 Lamka Zatopi ah om cih kiza hi.
Naupang mangte tawh kisai-in, tuciang dong kimuhna le zakna om nai lo ahih manin lamdang kisa mahmah hi. Khuakim khuaveng pan kizonpih ciatin kimuzo tuan nai lo hi. Tualkhiang khuamite genna ah, " abeisa March 2,2012 ni sunin, India lam pan nektheih apua motor khat khua sungah lutin, motor hawlte a vak kalun tua naupangte in nektheihte laksim sakin gamlak ah va sel uh ci hi.
Motor
hawlte in a theih ciangin gamgi lam a India galkapte hong man sak ding
hi ung ci uh a, amau zong lau uh ahih manin aselna gamlak lam manawh in
paikhia uh hi" ci-in khuamite in gen uh hi. Tua gamlak a paina uh pan
inn tungkik nawn lo cih thu kiza hi. Hih thu tawh kisai khuakim khuapam
akipan a thei a zakha khempeuh in kilunghimawh mahmah ahih manin, tualai
tak, Cikha bial sung a dingin, thuthang pen leh a dahhuai mahmah
thukhat ahi hi.
Bangbang le khangluite in mihing luang
mawk mancip lo cibuang ahih manin, hih naupang mang 3 te a damlai ahih
le a omomna pan innlam zuan thei a, akimuh mengmengna ding le naupangte'
zonna pan Motor tuahsiatna hangin liamna, baina thuak a Lamka zatopi a
kipuak i sanggam mi 9 te thungetna ah phawk ciat ni ci-in Tongsan Media
pan i kizasak phapha hi. Thupuak : Pu Kham Min Thang, New Delhi ( Tongsan Reporter of India)
No comments:
Post a Comment