Written by Admin
Friday, 23 March 2012 14:16
Zogam,
Tonzang Township sung a om Aisih khua ah March 20,2012 ni-in Pi Hau
Cing inn ah Time-bomb namte tawh kibang aging ngaih mahmah thaupi khat
puakkham in, Pasian kepna tawh asi aliam om lo cih kiza hi. Tua bomb
puakkhap hun laitak lianin, Kawl galkap Light Infantry Battalion No. 89
te'n zawhthawh thu (Force) tawh van apuaksak uh Suanghoih khuami pawl
khatte in , tua hih Bomb puakkhakna Aisih khua Pi Hau Cing' inn mai atun
laitak tawh kituak cih kiza hi.
Bom
puakkhap zia tawh kisai akigenna ah, Pi Hau Cing in a inn kongkhak
akihonkhiat lian ciangin bomb puakkham hi cih kigen hi. Tua a puakkham
bomb pen Kawlgam gamkap te in limtak vel (Check) uh a, India galkapte
zatnamte hi ci-in gen uh ci hi. Bomb puakkhakna ahang kitheician nailo
a, ahi zongin Kawlgam gamkap te'n Meitei te ahih kei leh Zomi galkap ZRA
te hi dingin upmawhna nei cih kiza hi. A beisa January 13, 2010 ni-in
Tonzang gam huam Phaisat khua geiah Zomi galkap ZRA te leh Meitei te
tawl khat sung kikap uh a, ZRA lam pan mi 2 si-in, Meite (Kate) lamte mi
3 si cih kiza a, a liam abai zong tampi mah om tuak cin thukiza hi.
Source : Chinland Guardian
Translated : Tongsan Translators
No comments:
Post a Comment