Tedim Khuapi ah NLD zum khen kihong ta
Written by Admin Monday, 12 March 2012 12:10
Kawlgam kumpi in lailut kiteelna ( Bi- Election) ah NLD le kumpi' theihpihna ( Register) a bawl party pawl khatin tulaitak suaikai in manlah mahmah laitak uh hi. A diakdiak in Daw Aung San Suh Kyi ( NLD) in Kawlgam mun tuamtuam ah suaikai in zin kawikawi a, mipi a tul a then a simin in muak ziahziah cih i theihsa ciat ahi hi. Tua bangin a zinna munte le a zin khaklohna munte ah NLD zumkhen honna nei kawikawi in Zogam, Tedim khuapi, Sakollam Veng Pa Thang Cin Lian inn ah abeisa March 2,2012 ni-in NLD zum honna kinei-in mipi 200 val kihel thei cih kiza hi.
Tedim NLD zumkhen ah tulaitak vaipua teng pen in Pa Thang Cin Lian , Thang Do Lian, Pa Pau Sian Lian, Pa Dal Do Lian cihte in vaipuakna nei uh cih kiza hi. Tedim NLD zumah NLD Signboard le Dialkhai ( Flag ) zong nisim mahin kikhai velval ta a, a sawt loin NLD tawh kibelpawl ahi ZNC Dialkhai zong ZNC zumah kikhai thei ta dingin lametna kinei hi. Zomite in Zomi min pua Zomi party i neihsun ZNC party mah thapia in, a kisam tha le ngal neihsa sum le paite tawh mapanpih ciat ding kisam mahmah cih kiza hi.
By: Tongsan Reporter, Tedim
No comments:
Post a Comment