MRTV pan Aung San Suh Kyi thugen ding kinial
Last Updated on Saturday, 10 March 2012 17:04 Written by Admin Saturday, 10 March 2012 16:49
Hong tung ding April 1,2012 ni akinei ding Kawlgam lailut kiteelna ( Bi-Election) ah akidem ding political party makai khempeuh Kawlgam melmuh tongsan ( MRTV) pan thugenna neisak ding cih Thein Sein kumpi in phalna nei uh a, agen ding thute uh lai tawh gelh khia sakin Election Commission, Nyipydaw ah puak sak masa uh hi. Tua party makaite' laigelhna sung pan Daw Aung Suh Kyi (NLD) laigelh pen adeihlohna uh pawl khat om ahih manin, sang loin, hepkhiatsak cih BBC thuthak saite tungtawn in kiza hi.
A deihloh thubulpi pen Kawlgam tangthu sungah a kigelh ahi " Pinlong Agreement " le National Reconciliation tawh kisai laigual khat hang bek hi a, NLD lam pan khatvei puahpha kik in puak leuleu uh a, tu in sang kik ta ci hi. Hih Party makaite thugen hun ding pen March 12,2012 ni ding hi -in, mi khatin minutes 15 sung bek gen thei ding uh hi. Tua banah Democretic Myanmar party pan U Thu Wai in MRTV pan a thugen ding zong Election Commission in sang lo uh hi. A nialna thubulpi pen Kawlgam cidamna lam kikep kidonna le pilsinna System te Thai gam tawh agenkakna hangin Election Commission in nial bek hi loin, gensak nawn loh dingin cancel sak ci in, U Tuh Wai in gen hi.
Tua teh Aung San Suh Kyi in agenna khatah , Bi-Election tawh kisai-in Kumpi thuneite nasep zia a manlo/ adiklo pawl khat mukhia a, adiakdiak in Mee nei dingte' sazian sungah a sikhin sa mi pawl khat min kihel hi ci-in, Macrh 8,2012 ni a DASSK inn ah kibawl Thuthak saite tawh kimuhkhopna ah kiciantak genkhia hi.
Bi-Election vai tawh kisai Kumpi lam pan zuautatna le Mee guk simna cihte akipan ngongtatna a om lohna dingin UNO akipan leitungbup lian tampi in lim genpih mahmah uh hi. Kawlgam tungah sumbawlna lam gawtna (Sanction) hepkhiat ding/ helkhiat loh ding cihte tutung Bi-Election pan US le EU gamte in encik mahmah dingin khensatna nei uh hi. Tua bek tham loin, kiteelna thuman/ thuman lo cih akitheihna dingin gampua pan Thuthak kante zong Kawlgam ah tu akipan suaktatak a lut theihna dingin Kumpi tungah ngetna nei khin uh hi.
Source : BBC
Translated: Tongsan Tanute
No comments:
Post a Comment