Kei Kumpipa hizen lengmaw! Dr. Kyaw Thu

Aki gelhni: Tuesday, 06 March 2012 16:12

Agelh: Hau Thang

Bangzahvei kisimkhin: 61

Share

0 Comments

Kei kumpipa hizen lengmaw?

March 1 ni in gambup mangpi dawltungnung khawm pi ah President Thein Sein in anasep zawh kumkhat cinna Phawk kikna thu gen pen ka ngai man mahmah kei hi. TV pan in zong ka en man mahmah kei hi. Banghiam cih leh U leh nau vai in ahun tawh ki ton in Genvai, Cidamna vai, Pil le Ciimna vai in kul leh kitangsam bang in Zing leh Nitak ih mut hun dong in tawlnga lo in minam ading kisem ahihi.

March 2 ni hongtun teh Kawlgam khuavak thutangko pen U leh Nau vai nasep buai khawl khit teh kasim hi. Gam mite deihna matun ahi kumpipa thu genna pen gammi khat din mun in kasim ciangin kaphawk kiu kiau thu ka lungah hong suak hi.

Gamthu:

Mihing khuasak na sungah ka om takciangin siangdiktel tak in, gen ni cileng gamthu pen katel kei a, zong kakin kei a, kaum kei lailai hi. Kei theihna ciang in gen ning cileng kaneu lai kum 2, kum3 ka phak hun lai in ka pupa khan hun pan a, kaneih uh Nylon Setyung pi pen Kumpi Nyi Win athuneih na tawh hong sut vilvel hi. Ka Pu leh Ka Pa mawh naneilo pi in Insein gilbem ah khum cip lailai hi.

Lai tan 7/8 ka sim hun in Leitungbup UN zumpi ah nasem Thuzeekpi U Than sih na tutang pan in U Than thubuaina hong om hi. Tua zawh nung ciangin Ka Pu leh Ka Pa mawh na neilo pi hong matsak ko innkuan tangthu hong neeng niam (Ma Sah Lah) te Gambup mipi deih ngetna 88 Thu buaina hong pian hi. Hih 88 hun sung in Bio kum 2 sinna leh Melmuh Tongsan kineih ka sem hi.

Thu omlo mawh leh khialhna omlo gawtna pen kithuak nuamlo cih thu tangkona ah zong ka ki hel hi. Ahi zong in gamthu pen ka um kei hi. Hih hun in lutol te ahi a, sangnaupangte ahi zong in anun mual liam tam pi om hi.

Tua zawh asawtlo in (Nah Wa Tah) galkap thu neihna nuai ah thusit na ka thuak hi. Siamsin te gilbeem ah khum hi. Ahizong in gamthu ka tel theih kei hi. Tua khit ciangin Melmuhtongsan kineih na sem kawm kawm in ka om a, Siamsin gilbeem om te inn kuan pih te alungkhiat loh na ding in tha ka pia zel uh hi.

2007 kum ciang in Van man hong sangkah luat na hangin Lutol talsan te hong ki sosuah na hu hau in kei zong Galkap te mat na sung ah ni 8 ka om kha hi. Ahing gamthu ka thei kei hi. Ka mudah hi. Ka hua hi.

Tu in Kumpi Thein Sein in kumkhat cinni in Gam mite lungtuak in lam etna lian pi tawh zawhthawh thu neih na nawk khia zo in Nuleh pa gam mi te deihna tup leh gim in nei in masuan gualzawh matut ding thu pi pen ahihi cih gen khia hi. Hih tu a kumpi pen hongtungding tu le ta khangdong in tangthu in kiciamteh ding ahihi. Ma tut gualzawhna pen Kumpi te bek hilo in, Gamvai vei party te, Khua nu Khua pa te, Dawltung Mangpi te, Mual tungmi makai siam te, Thu khen mangte leh Media lam te thu siam na zong ahihi. Lungkim ta cih photni ei, Gamthu.

Sum Zonna:

Sum zon siamzia katel siam kei hi. Sum kazongsiam thei kei hi. Atawpna ah gen ni ci leng kineih khem gamtat na pan ka ngah sum te zong bangzah pha cih zong kasim thei keihi. Ka ngah zahzah inn ah ka pua a, kazi kasim sak hi. Akisap leh ka ngen kik uh hi. Sum kazongsiam kei hi. Zong manleng zong matut gual zawh cih om lo ding hi. Hih zahciang sum zon zia ka siam na ahihi. Tua ahih manin Sum zon pen ka mu dah hi.

Ahita zong in tu in Kumpi lam pan in Sumzon phalna, Van lutsak, pusuah phalna, siahkaih nasum tawmlakna, Motor, phone, Set vanzat sathau, cihbang aniamtheithei in nemtuam lawhcin sakna, Hunbkhat lai a gam mi te neihsa van kilak mawk sak bang lo in Gam neih sa van te Gam mi in zat theihna sum zon sak na cih bang ki khel sak ahih man in kalung kim hi, Sumzon na:

Siamsin pilciimna:

Pilna kaneikei hi. Laika theikei hi. Pilciim na kasiam kei hi. Masahlah hun in Pilna siam na asumh mahmah pa ka hihi. Lukhunel kai Minphat vaang tuam ka ngahzo kei hi. Mual mong et bang ahihi.

Ahi zong in tu in Kumpi in siamsin na sang hong lamthak, hong beh lap, hong puah pha hi. Huntawh kithuak in pilsiam ciimtheihna hongkalsuan pih hi. Leitung tawh pilna liangko kikimding in online laibu saal, hong ta hi. Ziadannel siamsil (Teachnology) Hilhsiam nu/ Hilhsiam pa te (Sia nu Sia pa) Internet te zilsakna te Thau tawi kimlai laptop tawh khek in gam nasep ding te Kumpi pa thupaik na kalung kim hi. Siamsin pilciimna;

Cidam na:

Kei ka cidam ngeilo hi. Sunlam in natna namkhat, Zanlam in Natna nam khat, cibang kathuak hi. Ka cidam pen
hun om ngeilo hi. Gam mi te tung ah Itna deihsak na thupha puak zelzel kahih man in tuning dong ciang Gam mite ading in ka pumpi hingin Nungta ka hihi.

Ahizong in tu in kumpi in gamsung gampua cidam kimnading, NGO leh gam tuamtuam kipawlna pan ahizong in kipawlkhawm a, leitungbup cidam siantho nading in sepkhiatna te, Cidam natawh kipawl in Hong tung dinghun ah abeisa sum bulzeekna ii azah 4 zeek khia ding ding cihthu gen khia hih man in ka cidam lohna natna teng zong nuam tuam phial hi. Tua ahih man in Cidam navai tawh kipawl ka lung kim hi. Cidam na;

U leh Nau Vai:

Himah! Tu in kei nasepna huam sung tungta ih hihi cih theisiam ni. U leh Nau vai in akitawk nawi leikang leh tuipuang kabang hi. 2001 kumpan kin Genvai Yangon ka kimpan a, tu in kum12 sung ah lut nuam hita hi. 2001 pan in 2007 dong kineih khemzil nasep tawh hun ka la khawm hi. 2007 um Sep pan in tu ni dong kineih khem zil nasep kasem nawn kei a, Genvai, Cidamna, Siamsin pilciimna, khuavel gawtna (huihpi, zinling, Meikang) dongtuak gentheite panpih nundomsang ding in ka kipia khiahi.

Ahih zong in tutung in U le Nau vai thu ah nundomsang nasepna hongthei Kei ading in Kumpi in U leh Nau vai thu gen kazak ciang in' Kei mahmah 'U leh Nau" ka lau mahmah hi. Bang hanghiam cih leh Genvai kipat lam 2001 hun lam in amawkna in misi luang 5 pan tu in nikhat in misi luang 45/50 kimawk gui ta hi.

2007 kumin dam lo mi cina nikhat in 20 pan in tu in 200 val zatui zahaa tawh enkol nundomsang na kinei hi. Tua ahih man Cidam na banghang in tawm a, cina mi kitam hiam cih ciang in pilciim na neilo ahih lam kithei hi.

Tua ahih man in in Tuhkha alin laibuusal kihong hi.Khua khal hun sung mikang laisin na, Computer sin na, Thuman zuih siam na kihilh kimopna,kihong ahihi.Abeisa kum3 hun pan in mikang lai sin na 200 sangnaupang pan in tu in 1000 val hi. Genvai huhna gawm vekpi 112303, zatui zaha huh na gawm vekpi 150631, pilciimna (10000) cibang in kei mah in kum 12 cin hun sung ah kasem khia thei ta hi.

Aki phat hilo in Gamvai theilo, Siamsin pil ciimlo, Sumzon siamlo, Cidam lo khat ii nasep kum12 sung ah hi bang ciang ahihi. Hi bang na kasep hang in tu nidong ciang in Kawl kumpi pan in nasep theih Phaalna ka ngah nai kei hi. Permit piak ding zong ki ngatsut sak nailo ahihi.

Kumpi lam pan in Foundation limci hong pian khiat na ding cih zong vaangmin hoihlak mahmah hi.Tu Ni dong gen vai U leh Nau kipawl na ciam teh paal na om nailo ahihi.Tua ahih man U leh nau vai kipawlna pen tu ni dong kumpi phalna omlo, thulut lo kipawlna ahihi.Hih thu ah kumpi pa in kumkhat ci'n thu gen na ka ngaih sut kha zel hi. KEI KUMPI A SEM HIZEN LENGMAW? ka ngaih sun hi.

Hi mah hi. (gambup kumpi U Kyaw Thu) cih ngaih sutna khuak sungah hong suak hi. Kei kumpi hi peuh mah leng gammi te thudik ngamtat hoihna, pumpi lungsim diktat khuasakna amasa penpen in kabawl pha ding ahihi.Cidam na , Pilciimna , U leh Nau, Genvai alemtang theipen in kasem ding hi.Abul ataw foundation akip mahmah ciang in vandawn holh in suanginn pi Democracy kilam zopan ding ahihi.

U le Nau genvai ah kumpi pa mahmah hong pai in hongbelvel ding hi leh gammi te ii aphutkhak hamsat na amittang tektek in mukha ding a, hun tomno tak in kikhelna lian kilamdang ki hi cih kangaih sut kawm in kalupna ah kaih muhi."Tua ni khua vak kuan ah kamang mat hi. Kumpi pa Thein Sein in U leh Nau genvai belvel dingin hong pai hi" Khua vak madiak sanggammel mak hun a, mang mat hi. Demowaiyan pan: Kyaw Thu"

Hau Thang
ZomiDaily' Writer