Kawlgam pan gamdang Oversea phone sapman kikhiam
- Aki gelhni: Monday, 19 March 2012 02:20
- Bangzahvei kisimkhin: 245
ZomiDaily :: Kawlgam pan gamdang Oversea Call sapman pen March 14 ni akipan kikhiamding cih Myanmar Telecommunication te'n MRTV-4 pan pulakkhia uh cihi. Hihbang in Kawlgam pan Oversea phone sapman akhiap uhpen adiakdiak in Auto Telephone pan gamdang aki samsawnte hi ci uh a, tulaitak Kawlgam muntuamtuam leh Tedim khuasung nangawn ah utbang in aki leithei ziahziah ahi GSM & CDMA te pan sapna Rate pen ki gencianlo hi.
Kawlgam sungpan gamdang Oversea sapna akhiap mahbang un, gamdang pan Kawlgam asapman zong ongki khiamsukleh lunggulhhuai zawkanlai hi. Banghanghiam cihleh adiakdiak in Zomi sung bangah Kawlgam pan gamdang aomte Oversea phone akisam sangin, gamdang pan Kawlgam akisam tamzawthamtham khading hi.
Tuabang in gamdang Oversea Call phone sapman akhiatna ah adiakdiak in ASEAN gamte ki mattuak zawdeuh hi. ASEAN gamte leh China, India, Bangladesh gamte sapciang in amasa Minute khatpen $1.20 hisak a, tuakhit Second 6 sim in $0.12 hitoding cihi.
Europe gam, Africa gam, Australia gam leh America gamte sapnop leh amasa Minute khatpen $2.40 hisak a, tuazawh Second 6 sim in $0.24 hiding cih kiza hi. Atakpi hiam Kawlgam sung aomte'n sinpahleng hilodia? ZomiDaily
No comments:
Post a Comment