Germany- Yangon Vanleng lengsak ta ding
Written by Admin
Friday, 16 March 2012 17:37
Germany
gam Condor Airline te in hong tung ding November 2012 sung akipan
Germany gam Frankfurt khuapi leh Kawlgam Yangon khuapi kikal nipi khat
Tuesday ni simin Vanleng Boeing- 767 namte (Direct) leng sak ding cih
kiza hi. Tua Airline pen Frankfurt-Yangon-Phuket- Frankfurt hih mun
tengah lengsak ding cih thu International Travel Bourse (ITB ) te' n
pulak uh a, Germany gam Berlin khuapi ah nung diak akibawl Leitungbup
khualzin mite' kipawlna pawipi sim Asst.General Manager Daw May Myat
Mon Win in E-mail pan gensawn kik hi.
Tua Condor Airline pen
2012 kum kipat lam akipan Kawlgam ciang aleng ding in,Khualzinna lam
Company minthang khat ahi (EPC)te tawh kician tak thukimna om khinsa
ahihna thute zong gen uh hi. Tua banah nisuahna lam gam khat ahi Qatar
Airways te zongin hong tung ding May kha sung akipan, kha 6 sung gamthak
mun 5 ah behlap uh a, tua sungah Kawlgam zong hong kihel cih thu ITB'
pawipi sungah Qatar Airways ah thunei khatin gen hi.
Qatar Airways te'n mai May kha akipan abehlap uh gam 5 te sung ah,Iraq,Tanzania,Siberia,te zong kihel cih Gulf Time Newspaper ah suaksak uh hi. A beisa 2008 ma lam sung teng Qatar Airways te'n Kawlgam ah lengsak ngei uh a, 2008 kum akipan khawlsak kik uh ahi hi. Kawlgam alen hun lai un Europe gam pan Kawlgam hong zin nuam mite ading in lemtaang mahmah a, akhawl akipan Europe lam pan khualzin mite in maibinlawh mahmah uh ci hi.
Qatar Airways te'n mai May kha akipan abehlap uh gam 5 te sung ah,Iraq,Tanzania,Siberia,te zong kihel cih Gulf Time Newspaper ah suaksak uh hi. A beisa 2008 ma lam sung teng Qatar Airways te'n Kawlgam ah lengsak ngei uh a, 2008 kum akipan khawlsak kik uh ahi hi. Kawlgam alen hun lai un Europe gam pan Kawlgam hong zin nuam mite ading in lemtaang mahmah a, akhawl akipan Europe lam pan khualzin mite in maibinlawh mahmah uh ci hi.
Hih
bangin Kawlgam ah vanleng tawh khualzinna lam (International
Airways)athak hong kibelapna hangin,Yangon Vanleng tual (Yangon
International Airport) ah nasemte ading buai tuam mahmah ding uh ci hi.
Tua banah abeisa hun in, thakhat thu in vanleng thum a tukkhop ciang
nangawn in zong (Airport) sung ah mi tam mahmah bek tham loin, nasem te
buai mahmah ding uh ci in,Yangon Airways ah thunei khat in gen hi.
Tua hi
in, hih bang a leitung gam tuamtuam pa'n Vanleng Line hong kibehlapna
hangin, Kawlgam khualzinte' kipawlna Department te' ading sumlut hoih
mahmah dinga, Kawlgam zintun Inn (Hotel,Motel,Inn) te le Motor kawmna te
akipan Kamlet nasem (Tourist Guide) te ciang dongin nasep neihlawh ding
cih kilamen hi. Leitung mun tuamtuam pan Kawlgam hong leng ding
Airlines thak hong tam semsem le khualzin mite khawlzia/ om zia dingte
akipan bangci vaihawmsak ding cih thu Kawlgam khualzin nalam asem
Company khat ahi (Tour De Myanmar) pan Managing Director Ma Dar Lee in
gen hi.
A beisa hun khat lai akipan tulaitak ciang dong Kawlgam ah leitung gam 9 pan Vanleng Airlines 9 leng denin, abeisa 2011 kum in Yangon Vanleng tualpi (Yangon International Airport) pan gamdang mi khualzin vekpi 438,000 lut in,tuate' sung pan Germany gam mi 13,245 kihel uh a, kumkhat sung Kawlgam ah alut gamdang mi lakah a tampen pawl dingin kiciamteh hi.
A beisa hun khat lai akipan tulaitak ciang dong Kawlgam ah leitung gam 9 pan Vanleng Airlines 9 leng denin, abeisa 2011 kum in Yangon Vanleng tualpi (Yangon International Airport) pan gamdang mi khualzin vekpi 438,000 lut in,tuate' sung pan Germany gam mi 13,245 kihel uh a, kumkhat sung Kawlgam ah alut gamdang mi lakah a tampen pawl dingin kiciamteh hi.
Translated:Pa Kham Khan Suan(Tongsan Translator)
No comments:
Post a Comment