mu van lai

CNF Zogam zum hondingvai kei muhna ~ Cindokhup Samte

Aki gelhni: Friday, 02 March 2012 10:07

Agelh: Cindokhup Samte

Bangzahvei kisimkhin: 176

Share

1 Comment

Tusung teng hih CNF te Zogam zum honghon ding tawh kisai net khem peuh ah kibuai mahmah hi. CNF thu pen luaksuak liang in net sung ah kisim ta ahih manh in genluat ding bang mah om nawn lo hi.

Hih CNF te'n Zogam ah zum hong hon nop vaitawh kisai keima muh na them khat kong gelh nuam pong hi. Ih sangam Hakha, Falam sung ah zong mipil leh mi thupi, mi thu khual tam pi tak mah om hi. Ahita zong hih CNF makai atam zaw pen Extremists te vive ahi uh hi. Thu sau ngaih sun lo in hih suk ziauziau te pawl ahi uh hi. Gen teh na in Zogam ah hong lan mahmah sung in, amau thu tawh kituak lo a om leh that suk ziau ding cihbang, Haimual mawtaw ten sum apiak kei leh amataw hal sak zeu ding cih bang ciangciang khuak nei te ahi uh hi. Tua thusau a ngaih sut loh na uh ii a gah pen tuhun a, aki zat thei loh lam hong theih ciang in Zogam pan Pu Nang Lian Thang leh Pu Salai Kipp hong zawn ahi uh hi.

Greenbelt, Marlyland, USA Pu Ngo Cin Thawng inn a, Pu Salai Kip leh Pu Nang Lian Thang kiang ah keizong keimuh na kana dong pong a, Zogam saklam om ei pau kitel teng in hih CNF pen bangzah ciang dong lipkhat, huatsah aih ciang no bang ci bang in mipi Convince(zolkik) zoding leh azenzen in mipi ngah zo mahmah lo hi leucin no SC (CNF Supreme council) in bang ciang sem zo ding cih thu kana dong a, Pu Salai Kip in lungduai tak mah in hong dawng kik hi. Ahita zong mipi kuamah angah zawh kei leh bang ciang nasep theih na nei cih pen Pu Salai Kip in hong dawng kik zolo hi. (Hun nangah uh leh Youtube ah na en kik un)

Kawlgam khua hun hong kikhel hanhan ciang hih CNF tezong nasep hongkipan kik uh ahihi. Amau deih (mikhem peuh) deih Zogam (Chin State) Federal State ngah ding a hihi. Tua pen nidang a, amau teng bek ih hih lumlum laibang hilo in ei sak lam Tedim, Tonzang, Cikha teng in Oppose peuh lehang bangmah asep zawh loh ding uh mukhia ta ahihi. Kum 20 val ciang amit hong keuh pan ahihi. Tuahang a, ei sak lam teng hong zawh theih khak leh cih na leh Idea hoih Advice hoih nei Pu Kipp le Pu Thang ana zol uh ahihi.

Tu in hih CNF te in or Chin deih lai teng in Khalkha lai pen UN ah Chin State Common Language hi ci in apuak ta ahihi. US hong pai leu cin munkhem peuh ah Kawllai sang in Hakha lai bekbek na mu ding uh hi. (Factory, zum, Toilet etc... te ah). Amakai apil pen ding a, ih up pawl khat zong in, Kawlpau siam mahmah napi, en Hakha pau thei loh pen Kawlpau tawh kiho lel lehang ahoih ding pen Hakha pau mah tawh hong mawt hopih zong tam mahmah hi. (amin apuam gelh nawn dah ni)

Ei saklam teng pen Kawl te ih Panglong Agreement a, Independent ngah pak nang a, hong khem bang a, hong khem nuam ahi uh hi. Federal State ngah nang pen amau Hakha Area bek tawh hithei loding cih mu khia ta ahi uh hi. Akhanglam teng ahi Matu, Mindat, Paletwa, Kanpetlet lam pen emsa (ngahsa) cih dan in ngaih sun uh hi.

Democracy bang ngah taktak lehang ei saklam teng pen Myone 3 bek kihi mawk in ahmau khanglamteng pen Myone 6 bang ahih ciang Vote tawh ki lel zel thei ding a, Khalkha pau khawng ut zong ut keizong ihtu ihta ten asin hunkhawng hong tunding zong lauh huai kasa hi.

Ih phatna bel hisam kei in Politics ah International Level in tai a, ei sak lam ten ih pha zo mahmah naikei hi. Tua hi a Chin State (Zogam) Federal State or Independe ngah nang pen ahmau tawh kipawl loh lah piang thei lo a, kipawl mah ta lehang zong Vote tawh Zogam (Chin State) Level ah ih lelh zel ding pen keima muh khol na ahihi.

Tua ahih ciang in ahmau tawh kipawl ding in Federal State ngah nang hah kat ding maw or ei zong Politics ah amau Level ih tun nang hah kat ding? Ahih kei leh amau tawh kipawl vetlo ding in ei saklam teng om ding! Democarcy tatak hi leh pen kinuai nen theihna omsam loding a, mipi vote tawh hong hizel ding! Mipi Vote ci lehang lah Midat, Matu, Kanpelet, Paletwa, Hakha, Falam teng pen ei sang mah ahmau teng ki it zaw uh? Bang lawh ding?

Ih kipawl ding ahizong ei zong ahmau zah mah in galkap ih neih kei leh hong lau huai thei ding ahihi. Anu nungah Zogam or Kawlgam Democracy hong ngah mawk leh tulaitak Manipur State bang hong hi ding a, Hakha, Falam, Zomi ngal kap ciat ih neih kei leh tualthah na ki zomzom lel ding ahihi. Kuamah muanding om lo a, ei leh ei mah kimuan ding thupi pen hi.

CNF te khialh penpen na pen hong zoluading kisa a, atung lam pan Kawlpau leh (apawsi) bebek ah hongbawl uhpen khial mahmah hi. Zogam a hong tatsiatna teng hongthum, hong liau ding a, hih CNF cih mahmah zong phiat siang ding in, Kawlkumpi dan mah in Zogam bup, Chin State bup mah athak in kisatsuah ding (Reform) ding ahih keinak leh ih ki thutuah thei ding pen, Topa Zeisu hong kum khit anti-christ hun sung zong in haksa mahmah laiding cih keima Personal Opinion ahihi.

Gen khialh, gelh khialh leh gen tatak deihlo a om leh ki ngai dam ni!

cindokhup samte
1200 Ardmore Court# 2A
Frederick,MD 21703 USA
240-440-1090(cell)
http://thesamte.blogspot.com