mu van lai

CNF Khutzatte ki dophuai

Aki gelhni: Saturday, 10 March 2012 19:49

Agelh: Zotongluang

Bangzahvei kisimkhin: 130

Share

0 Comments

Zomipihte,

Tunung CNF vai ah mipiten i deihlohna ilah pen a langtangin a genkhiat ngamloh uhang nasa mahmah uhi. CNF/ CNF SC min lian tawh thu hoih mahmah ong suah loh uhangin a khutzatte uh tawh ong sukik uhi, ong sutuahtuah uhi cih i mu thei hi.

I theih ding hoih kasak CNF Khutzat pawlkhat:

1) Khonumthung News Groups:

• - Hih KNT pen CNF galkap lui, Matupi Khuami Pu Tui Dim makaihna tawh CNFte media lam ah akipanpih nadingun a ki phuankhia hi.
• - Aizawl based hi. Editor Tui Dim pen eimi zi nei ahihmanin i sungthu pen ong sawksawk zo ahihi.
• - 2004/2006 kiim pawlin Lamka pan Tedim Chin te khatin zong KNT ah Asst Editor (English) sem ngei a, ei Burma lam a Zomite ahuatdanuh atel ciangin tawpkikin tun NGO dang khat ah semta hi.
• - CNF te tatsiatna peumah gelh ngeilo in ahoihna sunsun uh tangkoko hi.
• - Zing khawng peka kipanin news asuah ciang ei Tedim Tonzang gam lam pen ong zuak zeuhzeuh den hi. e.g Tonzang gam Bing vai, eilamten sumbek mah deihin Chin State bupi susia ding danin ong gelh den hi.
• - Tun zong " Some Tedims Oppose..." ci in lai ong suah uha Kawlzanga om teng leh khamtunga om teng ong sutuah hi. Mi tul 70 val suaikaihna bang pen Tedim pawlkhat ong cihsak ziau hi.
• - Cho Youth te official phalna omlo pi in Cho Youth makai " Aung Aung" (a phuahtawm hiding) in Zomiten CNF akankuatna thukimpih lo, mawhsak mahmah hi cih bang ong suah i mu ding hi.
• *CNF te in amau kama a gingsak noploh/ngamloh tenguh hih KNT te zangin Media tawh ong fightfight uh hi cih thei lo in ei le ei khawng amau thusuahte hangin kitawng, kisel in i om keei hi.

2) Chinland Guardian.

- CNF galkap lui mah ahi Salai Bawi Lian Mang makaiha kiphuan khia hi. USA leh Canada a om CNF exile teng hi deuh uhi. www.chinlandguardian.com ah na en le uhcin CNF te propaganda vive ki mu thei hi.

3) Chin Human Rights Organization (CHRO)

- Hih pen CNF gakap lui mah ahi Victor Biak Lian i phuatkhiat hi. Canada based hi.
- CNF te pen thautawi uh ahihmanin International Lobby lamah mazang theilo hi. CNFte lut theiloh/zawhlohna khempeuh UNO pana kipan Gam Kumpi, NGO tuamtuamte ah ma phu sak uhi.
- Pilna sangpipi nei makaite nei uha Malaysia, India, Thai khawngah va zin kawikawi thei zel uhi.

4) Chinland Club

- Chin exile teng khempeuhin CNFte nasepna sum leh paai lian tawh panpih nangin tunung deuhin aphuakkhiat uhi.
Feb 2012 ciangciang, leitung gam tuamtuam pan member mimal 3000 val pha khin uha, mi khat ciang $150/- ta kumkhat kikhonin tua tawh CNFte panpih uhi.
- 2015 bei ciangin member mimal 10,000 (ten thousand) pha hamtang ding cih ngimna nei uhi. Membership fee bekbek pen kumkhat $1.5 million ngah zawh nang target uha, tua tawh CNFte nasepna panpih ding uhi.

To be continued: Adangdangte (tutung ong tamlua ta ahihmanin khawl bawl phot ni)

Tualo mimal sizunga ong zatte uh ahi, Salai Kipp Kho Lian le Thang Nang Lian Thang te bel i theihsa hi in gen nawn kei ni. Ahihang hitegel hantawina tawh CNP ten zong CNF supportna ong puanuh enleng mimala ong zatte zongin ong sukham zo mahmah hi cih i mu hi.

Tun zonet, tongsan sung khawngah zong access a nei zeuhzeuh CNF member leh a khutzatte uh om in tuate zong kidawp huai mahmah hi.

Gtna: Salai Thang Ling Kee (Norway): amah pen 2011 December, Aizawl CNF Emergency Meeting ah Supreme Council member teng CNF ah lutgaih vek ding hi ci a thu a sung pa ahihi. Salai Kipp, NLT, Zahleithang te pawl in anial ciangin a cih nang theilo in akilawmsakna in aman Form fillup,suaikai in mipi mai ah ap hi.

CNF GSpu Zing Cung in Supreme Council ah a thunlut ngiat hi kici hi. Ahang pen ama mai ah Cho Palai ding in Thang Ning Kee (Canada) om khin hi. Cho lam te zong phelnih suah kawm, eimi zi nei a, Zopau Zolai siam ahihmanin Tedim lamah zong molhtum a zattheih pah cih dana a laklut hi. Tun zong zonet khawngah thu ong suahsuah te CNF te suahsak vive hi cih i haih loh ding i ki gen nuam hi.

Mimal gensiatna, thulangmuhna kihel lo theithei, i mipihten thu aman banga i theihtheih nang hanciamin kong gelh hin gelhkhialh, genval a om leh nong theihsiam dingun kong ngen hi.

Na Zomipih uh,

Zotongluang