mu van lai

Chin United FC te'n Manager dingin U San Win kawm

Aki gelhni: Friday, 02 March 2012 20:26

Agelh: Thawng Mang

Bangzahvei kisimkhin: 182

Share

0 Comments

KBZ Team te ii Manager luipa U San Win pen Chin United te in Manager pi ding in kumnih thu kim na letmat thuh (suaikai) cih thu ki za hi. U San Win pen Kawlgam bawlung Manager te lak ah amin thang khat ahi hi.

Nung kum aa kipan in dam loh na hang tawh Manager sepna pan a khawl ahi hi. Nung in Chin United leh Southern Myanmar te ki suih lai in Chin United te ii CEO Pa Do Khan Khup tawh ka ki muh lai in Manager ding in U San Win ka hel lai tak hi hong ci hi. Hih bang in Chin United te in manager pi ding in U San Win hong ngah zawh uh pen lungdam huai mahmah hi.

U San Win pen 2006 kum in Malaysia gam aa kisui Markadi Cup kimawl na ah Myanmar National team ii manager hi in tua kum in Kawlgam in Champion ngah hi. Chin United ii manager lui pa U Zaw Win pen khangno te ii manager ding in ki koih hi. U San Win ahuh ding in Kawlgam U 19 te in manager luipa U Aung Khaing huh ding hi.

U San Win pen Chin United te training bawl na pai in a nasep ki pan ta cih zongh kiza hi. U San Win makaih Chin United te ii amasa kimawlna nipini ciang nitak nai 4 in Aungsan Stadium ah Manawmay (Kachin) tawh kisui ding uh hi. Source: PremierEleven/Thawng Mang