Aizawl- Vaitin kikal ah Bus Tuahsia

Written by Admin Saturday, 03 March 2012 22:02

Share

Mizoram, Aizawl khuapi pan Vaitin khua lam zuan a zinkhia khualzin mi 34 tuanna MST Bus khat pen Darlawn khua pan Km.1 gamlatna Sihbial munah March 3,2012 ( Saturday- 12:30 India Time) in tuahsia in , a mun ah 9 sipah in, zato pan 7 si kikin, 18 liam cih kiza hi. A liamte Darlawn zatopi ah kipuak suak pah ci hi. Bus pen lampi pan gamlapi mah kikhuk/ kiasuk ahih manin limsiat mahmah ci hi.

Bus hawlpa ( Driver) F. Lalthangliana, Shalom Veng, Aizawl zong site lakah kihel ahih manin, bus tuahsiatna ahang kitheician zo nai lo cih kiza hi. Mi pawlkhatte genna-ah tukum pen Besiang kum ( Leap year ) ahih manin, kum kipan tung hih bang tuahsiatna in kidophuai zia hong lak hi cih gen uh ci hi. Hih Bus pen Aizawl khuapi a kibawl Mizote' pawi thupi pen khat ahi Chapchal Kut-2012, pawisim a ciah kik lam a tuahsia hi dingin kigen hi.

Abeisa Cope Centenary Jubilee pawipi sung a Tedem- Tonzang kikal ah Bus tuahsiatna tungtang a misi zah tawh kikim sese zenin, Mizote' tangthu sungah Bus tuahsiatna ah atam si pen dingin ki-ummawh ci hi. A site nusiat innkuanpihte khempeuh Topa khasiang tho in na hehnem ciat hen ci-in, Tongsan pan lainatpihna i pulak hi.

Asite min le khua minte Zofate Chanchinthar pan anuai abangin pulakkhia uh hi.

1. Rinmawia (sakordai)
2. Engmoii (khawdungsei)
3. Lalthanzama (sunhluchhip)
4. Sawmi (Vaitin)
5. Upa Rosanga (New vervek)
6. Lalngilneii (Vaitin)
7.Rothagkimi(swleng)
8.Pahlira(sakwrdai)
9.Vanlalchhwna (conductor) Repblic Aizol
10. F.Lalthagliana (Driver) Shalom veng, Aizawl
11.Dingi (khwdugsei)
12.Hriati (' ?' )
13. Thanemi (sakwrdai)
14. C.Lalthantluagi 3yrs) Luagmual
15. Darthamchhiga (New vervek)
16.S.k Bhatra (Electric duty)

Source: Zofate Chanchinthar