သောကြာ, 16 မတ် 2012
NATO ရဟတ်ယာဉ်ပျက် တူရကီစစ်သား ၁၀ ဦးကျော် သေဆုံး
ဒီရဟတ်ယာဉ်ဟာ အရေးပေါ် ဆင်းသက်ဖို့ ကြိုးစားနေစဉ်မှာ ပျက်ကျသွားခဲ့တာဖြစ်ပြီးတော့ အင်မတန် ပူဆွေးဝမ်းနည်းဖွယ်ကောင်းတဲ့ မတော်တဆ ဖြစ်မှုပါပဲလို့ တူရကီနိုင်ငံခြားရေး ၀န်ကြီး အာမက်ဒါဗူတိုဂလူ (Ahmet Davutoglu)က၊ သတင်းထောက်တွေကို မနေ့က ပြောကြားခဲ့ပါတယ်။
ရဟတ်ယာဉ်ပျက်ကျခဲ့တဲ့ အိမ်ထဲက ကလေးငယ် ၂ ဦးနဲ့ အနီးက အရပ်သား ၂ ဦးတို့ပါ သေဆုံးခဲ့ရတယ်လို့ အာဖဂန်အာဏာပိုင်တွေက ပြောကြပါတယ်။ အာဖဂန်နစ္စတန်က NATO တပ်ဖွဲ့တွေရဲ့ တပ်မှူးကြီး အမေရိကန် ဗိုလ်ချုပ်ကြီး ဂျွန်အယ်လင်(General John Allen) က သေဆုံးသူ တူရကီစစ်သားတွေနဲ့ အာဖဂန်နိုင်ငံသားတွေရဲ့ ကျန်ရစ်သူမိသားစုတွေဆီ ၀မ်းနည်းခြင်း သ၀ဏ်လွှာတွေ ပေးပို့ခဲ့ပါတယ်။
တခြားသတင်းတပုဒ်မှာတော့-
အာဖဂန်နစ္စတန်နိုင်ငံမှာ အမေရိကန်တပ်ကြပ် တစ်ဦးက ပစ်ခတ်ခဲ့လို့ အာဖဂန်ကျေးရွာသား (၁၆) ဦး အသတ်ခံခဲ့ရတဲ့ အခင်းဖြစ်ပွားမှု စုံစမ်းစစ်ဆေးရေးမှာ အမေရိကန်အစိုးရဟာ ပူးပေါင်းဆောင်ရွက်ဖို့ ပျက်ကွက်ခဲ့တယ်လို့ မတ်လ(၁၆)ရက်နေ့က အာဖဂန်သမ္မတ ဟာမစ်ကာဇိုင်း (Hamid Khazai) က စွပ်စွဲလိုက် ပါတယ်။ တောင်ပိုင်းက ကန်ဒါဟာ(Khandahar) ပြည်နယ်မှာ အမေရိကန်စစ်သည်ရဲ့ ပစ်ခတ် သတ်ဖြတ်ခြင်းခံခဲ့ရသူတွေရဲ့ ကျန်ရစ်သူမိသားစုတွေနဲ့ ရပ်မိရပ်ဖ ရွာခံလူကြီးတွေကို သမ္မတကာဇိုင်းက မနေ့က သွားရောက်တွေ့ဆုံခဲ့ပါတယ်
No comments:
Post a Comment