Nepal gamah Gialbem in numeino kum 14 aphakhat petlum
- Aki gelhni: Monday, 13 February 2012 17:22
- Bangzahvei kisimkhin: 483
ZomiDaily :: Nepal
gamah Leopard akici Gialbem sahang namkhat in numei kum 14 aphapan khat
petlum in ne cih AFP News in nung Thursday ni-in genkhia hi. Hihbangdan
Gialbem in mihing apeh anek pen Nepal gamsung ah omkiukiu theizel a,
hihpen khanih sungah Gialbem in mi 5 apehna hita hi ci'n Local Police
te'n pulakkhia uhhi.
2009 kumin Northeast India khuasung alut Gialbem (Leopard) pen Tranquilliser tawh aki kaplaitak
Kum 14 aphapan tua numeino pen Nepal leh India gamgi aom Baitadi
District kicihna taampi sungah lopa at in aom hi a, tualaitak in Gialbem
in apetlum ahihi ci'n Local Deputy Superintendent of Police khatin
genkhia hi. Numeino ii aliang nuiteng nekhin a, a pumpi dangdangteng
ahihleh anennen in phuaikekgawp cihi.
Nunglamdeuh inzong kum 35 aphakhin nupi
gailai khatleh adang numeino 3 pen Gialbem in petlumkhin a, tutung
apetlum Gialbem zong nunglam in mi apetzelpenmah hiding in ki ummawh hi.
Nepal gamsung Pancheshwor Village sungdiakdiak ah Gialbem leh Sahang
namtuamtuam tammahmah in khuasung mite petlum zelzelthei ci uhhi. Ahi
zongin amau gam thukhun ah tua atatsia gamsa tepen thahlupding kiphallo
cimawk ahih manin, khuasung mite'n thuak niloh uhhi.
Ahi zongin tulaitak Gialbem in athahlup,
apehlup tamlua mahmahta ahih manin khuasung mite'n District Forest
Office kiangah thahluptheih nadingin phalna Permission ngen uh cih kiza
hi. ZomiDaily
No comments:
Post a Comment