Min Phatna Kipia

Min Phatna Kipia

 Topa' sung ah sanggam te,
Tu nung 4th February 2012 , saturday ni-in Yangon aa U. B. S., Union  Biblical Seminary te 11th Commencement ah, Sangpi ( Thang Sian Sang ) le  Saw Win Lwin te Master of  Music ( Vocal & Composing ) pia uh hi. Chit San Maung pen Doctor of Divinity pia in, azi Sharon Khin Khin Moe pen, Doctor of Humane Letters pia uh hi.

 

Mizo mi Saya 2 le Sayamah khat zong Master of Ministry  pia uh hi. Amau 7 pen Honorary hi. Sang pan a man B.Th. (12), M.A. Theology ( 2 ), M. Div. ( 7 )  te in zong  ngah uh hi.

M. Music angah te geel pen, Sangpi le Saw Win Lwin hi-a, Pasian phatna la  tampi tak aphuah na uh leh, leitung la ( love song ) khawng sa le uh sum  tampi pi ngah ding hi napi, Pasian' la
bek asak na uh ahi zongin, Gospel  pai na le Gospel show te ah la sa bek lo-in, a
teci pan na uh leh,a thu  hilh na uh tawh gam sung le gam pua mun tam pi ah mi tampiTopa' kiang a  tun pih na te uh hanga kipia hi ci in UBS Founder &  President Rev. Dr.Morris Remlal Liana,B.A.,B.D.,M.Div., M.A., Th.M.,D.Min.,Ph.D (Cand)  (USA)  in ong pulaak hi.

Sangpi pen, ka tapa hi-a,"Pa aw, M.Music ong kipiak sawm ven, ka sang diam?" ci-in ong dot teh kei zong lung ngai ing. Amah pen Pasian' teel tuam, asathau nilh tuam khat ahih na pen mi tam pi  in  tel hi cih thei ung.Ko a innkuan pih te in zong tel zaw lai ung. Tua baan ah,kum ( 10 ) val sung  Pasian' la aphuah le asak na sung ah, pah  tawi na angah bang mah-in zia-et na zong akhauh mah mah tam vei pi tak  mah atuah khak zong om hi.Pasian' na sem pi pi te mah in, ama' tung ah a  thumaan lohna, angah ding love-gift neng neng nangawn acinga akipiak loh  khawng ciang,le ,  mihing ahih na tawh amah zong a khialh khakna a om  cianga mi te in nakpi tak-a gen siat na athuak ciang khawnga,mi te et cik na thuak-a ka om om sangin Leitung la sa kawm sa-in ka hih zawh zah zah-in  Pasian' la sa  zaw leng mi te in ong gen sia lo zaw ding ahi tam, acih  hun leh lungkia aa ama nuntakna nangawn pammaih asak zawh loh hun tampi te ko  theih zong tampi mah om hi.A pumpi , alungsim gim mah mah thei cih zong phawk ing.Leitung la sa hi leh zong, alawmte dan mah-in sum zong tampi pi ngah thei kha ding napi,tua te na nusia -in Pasian' lasak ding mah na  teel ahih lam zong ngaihsun kha ing.

Tua teng khawng ka ngaih sut khit teh, "  Hih pen mi te ong piak hi lo-in Pasian in, na thuakna, na gimna, na supna, Ama' adinga kha mangthang na mat na le ong vuansak lai vuan-na( test ) na zawhna tung tawn-a ong piak  hi, lungdam tak-in sang in, "  na ci ing.
1990 pawl-in Sia San Thein le Sia San Kyi Lwin te Gupna thu agen na uh hangin Monywa thong ah kum 3 ong kia uh-a ka veh zeel uh hi.Akum a cin teh  ko zong mawtaw tawh va dawn-in ka inn uah ka ciah pih uh-a tua nitak  lungdam koh ka neih uh leh Saya San Thein in Kawl lapi aw tawh , thong  sunga aphuah la khat ong sa-a ",Monywa thongpi pen kei Seminary hi."  ci-in ong sak teh ka vek un ka khitui uh luang hi.
Tua thu khawng ka ngaih sut kaak teh, Sangpi le Saw Win Lwin pen amau kum 10 aa sim Seminary akah ngiat ngiat ,a haksa mah mah laivuan na zong tam  vei pi mah  practical aa a vuan ngiat ngiat uh ahih man-in Topa in a recognize na hi ding hi ci-in Topa' Min phat ing.
Amau tung pan tha i laak theih mah bangin thu zong nget sak tang tang dingin ong cial sawn ing. Ih Biak Topa' Min Thang tawn tung ta hen! Amen. Khazih sungah no te tawh maa pang khawm,

Thangpu
Rev. Cin Khan Thang
Hallelujah Assembly of God
Ahlon, Badon, Monywa
Sagaing DivisiMyanmar