mu van lai

M.Th. (New Testament) Lukhunelkai Khuding

Aki gelhni: Wednesday, 29 February 2012 20:44

Agelh: Dr. Hau Za Cin

Bangzahvei kisimkhin: 46

Share

0 Comments

M.Th. (New Testament) Lukhunelkai Khu Ding

Tg. Lian Muan Kham Suante s/o Siapi Khai Za Dal Suante, Murlen, Mizogam in March 1, 2012 nitak 8:00 P.M. in Master of Theology (New Testament/Greek) lukhunelkai Union Biblical Seminary, Pune, India pan khuta ding ahih manin nakpi a lungdampihna i tangko hi. Hih ciang a tonpih Pasian in mailam ah Ama gam tangzaina dingin a pil a siamna hong zatsak ta hen. Ama lunglut leh a siam pen Greek ahi hi. BD a kah laiin zong a sanginn uh pan Greek siampen pahtawina a ngah hi. Lai Siangtho sanginn ah Greek lai hilh ding a lunggulh mahmah khat ahi hi.

Tg. Khampu in Clark Theological College, Mokokchung, Nagaland, India pan Bachelor of Divinity (Integrated course) a zawh khit ciangin UBS Pune ah M.Th. a kah kik ahi hi. Zomi Baptist Church, Mizogam khangno lak pan Lai Siangtho degree nei khat kibehlap thei ahih manin ZBC zong Pasian in thupha hong pia hi ciin ka ciamteh hi.

Hau Za Cin
Phuitong Liim
www.hauzacin.blogspot.com