Zomi Directory USA - 2012 ah Advertisement ding kideih (ZIUSA pan)

Aki gelhni: Tuesday, 17 January 2012 08:41 Dear A Zahtak Huai Zomi U leh Nau: February 17, 2012 ni-in hawmkhiat ding in akigeel Zomi Directory USA & Canada – 2012 Laibu sung ah advertisement (vanzuak theih zaksakna/tangkopihna) kideih-a, advertisement aneinuam te in anuai-a thute tawh kituak in kipuak thei ta cih kong thei sak hi. Zomi Directory USA & Canada - 2012 sungah advertisement neih man ding pen 2010 kum a mah ziusabangin, Page (1) - $ 200; Page (1/2) - $ 100 lak ding in kikhensat hi. Advertisement pen gskhup@aol.com / gskhup@gmail.com (Pa Go Sawm Khup, President, ZIUSA) leh dkkhup@gmail.com ( Pa Do Khan Khup, GS, ZIUSA) te ah ki puak thei ding hi. Advertisement apuak ding peuh in amanlang theithei in hong kipuak thei pah leh ki deih hi. January 31, 2012 anunung pen in advertisement puakna kisang ding hi. Laibu size pen Zomi Directory USA - 2010 cia ( 5.5" x 8.5") ding mah in geel masakna kinei phot a, tua tawh kizui-in Advertisement Page ding (Photo leh Laimal-cihte) geelsa in hong kikhak ding in kideih hi. Alem leh doc format (Word) tawh hong kikhak dingin kideih masa hi. Advertisement man tawh directory bawlnang sum bei dingte tampi kisikzo ding ahih man in akuama peuh in advertisement puakna tawh mapanna nong neih ding uh lam-en in, lungdam thu kong ko khol uh hi. Zomi sungah, Do Khan Khup Thuvaanpi ZIUSA, Inc