Tumor cibawk natna hangin Vietnam mikhat akhe Pound 200 val gik
- Aki gelhni: Wednesday, 11 January 2012 14:10
- Bangzahvei kisim: 175
ZomiDaily :: Vietnam
gamah pasal khat akhe taklam cibawk Tumor namkhat hangin khanggawp a,
ama pumpibup sanginzong akhe langkhatbek gikzaw ciliang hi. Tuapa minpen
Nguyen Duy Hai kici a, kum 31 phakhin ta hi. Akhe ataklam khatbekbek
pen Pound 200 gik cimawk hi.
Hihpa khe pen nung Thursday ni-in
Vietnam gam Ho Chi Minh City aom zato minthangkhat ahi France-Vietnam
(FV) Hospital ah Operation kibawlsak a, nai 10 sung siuseu Doctors
honpikhat in at ngekngek uh cihi. Operation kibawllaitak zong Vietnamese
Television panin Live in ki suaksak ciliang a, Doctors te'n nai 10 sung
asep ngekngekkhit uhciang in acibawk Tumor teng lakkhiat sakzosam uh
hi.
Hih Operation bawlding pen aki dahpih
mahmah hi a, haksa luading ahih manin a nuntakna nangawn Operation
sungin abeilawhthei dingin akigengen ahihi. Ahi zongin bangmah
nawngkaina, hamsatna luapi omlo in mansiangthei cihi.
Cibawk Tumor pen kum 4 aphak khawngin
akipan ci a, damdam in golsemsem, khangsemsem cihi. 1997 kumciang in
Doctors te'n akhe akhukciang tansak a, tuatawh acibawk akhawlding asak
uhleh khawltuanlo in golsemsem a, anunungciang Pound 200 bang gikliang
hi.
Operation abawlsak, a at sakpa pen
American Doctor McKay McKinnon hi a, a at man bekbekzong US$12,000 bang
abeiding ahihi. Ahi zongin asumbei khempeuh pen huhna Donations ki
ngahsak hi cih FV Hospital pan thuneite'n genkhia hi. Hih Doctor pa
mahin 2004 kumlai in Romania numei khat acibawk Tumor at khiatsakngei
khin hi. Tuanu cibawk pen Pound 176 khawng pha a, hih Vietnam mipa
sangin neuzawdeuh hi.
No comments:
Post a Comment