Philippines ah kumthak Losan lotna hangin buaina tampi piang
- Aki gelhni: Sunday, 01 January 2012
- Bangzahvei kisim: 241
Philippines gamsung Manila khuapi ah 2012 kumthak dawnna in Losan
(Firecracker) kinak zatlua mahmah a, tua Firecracker te hangin mi
tampitak liamgawp uh cih AFP News in genkhia hi. Philippines Health
Department te genkhiatna ah tuabang in aliam mi 454 bang phading ci
uhhi. Atamzaw pen zukhamsul in Losan lawn uh ahih manin, akhut leh amit
uh liamsakkha uhhi. Aliam lakah naupangno zong tampitak kihel cihi. Hih
anuai alimzong Manila khuapisung aom Jose Reyes Memorial Medical Center
ah akipuak pasalkhat hi a, Losan hangin amit aliam ahihi.
Naupang khatbang Losan in amit kapkha
ahih manin, amittang lakkhiat kulkhatheiding cihi. Zato atung naupang
pawlkhatpen amit leh akhut uh limliam sakkha mahmah uh cihi. Hospital
khatpanzong naupang nih akhut limliamlua ahih manin tankhiat kultheiding
cih kiza hi. Kumthak pawi dawnin gualnopnahang bekbek tawh a mittang
leh a khut uh asuplawhding hiliang uhhi.
Health Secretary Enrique Ona inzong nupi
naupaai khatzong Losan in kapkha a, a zunbu sukha cihi. Doctor te'n
hoihtak Checkup abawlkhit uhciang in anau leh anu bangmah siatna omlo ci
bilbel hi.
Mihing aliam ciangbek hilo a, hih Losan
lotna hangin Manila khuapi sungah inn 30 kang cihzong Philippines
thuneite'n genkhia uhhi. Hihbang in Firecracker Losan lotna hangin
gamsung ah buaina omdingmah ci'n Philippines thuneite'n akham kholhkholh
uh himah taleh gammite thumanlohna leh polhtatna hangin hihbang in
tuahsiatna tuamtuam apiang ahihi. Khatveivei gamuk kumpite bekbek ki
mawhsak khapahpah a, ahi zongin gammi te'nzong kumpi thukhun aneng
atawng in kizui nuamlo theizel hi. ZomiDaily
No comments:
Post a Comment